梁振英女老蘭夜蒲摑母全城矚目 梁齊昕弄狗為樂心廣體胖變晒樣

前特首千金梁齊昕隨住佢老竇梁振英卸任之後，生活都比以前平靜咗好多，而佢都少咗喺社交平台現身，就算更新內容，都多數係post食物或者狗狗相。

{{hket:inline-image name="14295577_609560432565213_1757109252_n.jpg"}}{{/hket:inline-image}}

久未露面嘅齊昕早前Post出一張2015年被傳媒影到嘅相，相中嘅佢着住大露背，瘦到肋骨都現埋出嚟！佢都留言感嘆自己以前實在太瘦：「Can’t believe at my skinniest I was 15lbs lighter than here I was in this pic. Definitely not healthy.（我無法相信我最瘦的時候比照片中更輕15磅。絕對不健康。）」

{{hket:inline-image name="1fe3d9e64d1abf43ecb823a335e43d7d.jpg"}}{{/hket:inline-image}}

唔少人都留言表示心痛，話希望佢可以身體上同精神上都繼續好似而家咁健康！齊昕冇幾耐之前都post過自己嘅近照，而家嘅佢似乎冇乜壓力，見佢都係「弄狗為樂」多，身形都發福咗唔少，重p之下同李偲嫣有幾分相似，明顯開心同豐滿好多。

而佢同爸爸梁振英而家嘅關係似乎都幾好，上年仲同爸爸慶生，於ig限時動態放梁振英單人相，以及一個寫上「Happy Birthday爸爸」生日蛋糕嘅相，父慈女孝！

（↓點擊放大睇圖片↓）

齊昕早年因老竇梁振英在任特首成為焦點人物，佢除咗間唔中喺網上同網民駁火，亦久唔久做出令人嚇一跳嘅行為，最經典嘅事係發生喺2015年萬聖節。

當年打扮成「女鬼」嘅梁齊昕趁萬聖節喺中環蘭桂坊同兩女友人消遣夜蒲，至約3時，3人準備乘的士離開，但齊昕突情緒失控與的士司機口角，友人即將齊昕拉走，向附近一間餐廳東主借用地方休息。不久後，齊昕母親唐青儀乘的士趕到，唐扶著齊昕準備上的士時，齊昕忽然用左手掌摑母親，過程被數間傳媒機構攝下，眾人立刻勸止，唐即登上的士準備通知司機開車時，被齊昕再度掌摑，事件擾攘約半小時，其間齊昕激動大叫，更指住母親話：「You know this mum is not actually my biological mum？」（知唔知呢個阿媽唔係我親生阿媽）。最後一名男友人趕到現場，陪同齊昕乘的士離開，而唐青儀則走進附近一間夜店後，失去影蹤，相信從後門離開現場。