無力支付醫藥費｜陳積榮病情惡化哽咽望生存下去 Bob三女願捐出利是錢助燃眉之急

前無綫藝員陳積榮（Jeff）去年8月確診第四期肺癌，當時醫生診斷他最壞情況或只剩下半年壽命。Jeff的家人、女友和朋友一直在身邊支持、鼓勵他以勇氣面對惡疾。Jeff每個月都要接受電療及服食標靶藥，難以負擔昂貴的醫藥費。

Jeff今日拍片稱現時病情惡化，希望大家能伸出援手，支持其醫藥費。令人感動的是網路一呼百應，林盛斌（Bob）在三個女兒同意之下捐出她們的利是錢，希望幫忙對方解決燃眉之急。

不幸患四期肺癌│馬浚偉唱歌為陳積榮籌醫藥費 「希望佢快啲好番幫手拍戲」【下一頁】

{{hket:inline-image name="jeff.jpg"}}{{/hket:inline-image}}

片中的Jeff狀態很差，面容蒼白、憔悴，說話有氣無力。他提到其病情在1、2月時很反覆，身體狀況亦一直變差，「一月初發現右手肩胛骨開始疼痛，發現有病變情況，運動能力慢慢受限，便決定接受細胞免疫治療。另外癌細胞有擴散至右手跡象，西醫建議做咗4次電療，情況雖然受到控制，但筋骨受損依然要一段時間修復，每月要定時打骨針同食鈣片，防止骨頭脆弱。」2月份他的肺部腫瘤變大，「我不停咁咳，咳到有血，有時直情咳咗啲不明硬物出嚟。」

由於Jeff的情況一直沒有好轉，醫生建議他轉用第三代標靶藥，希望可以令腫瘤收縮，但他每月要支付4萬港元的醫療費。雖有政府會提供資助，但要等到政府確認第一代標靶藥對Jeff無效，才能為其免去第三代標靶藥的費用，Jeff哽咽道：「希望政府可以儘快安排到，而家嗰種痛真係唔係講笑，唔係你同自己講無嘢就真係無嘢。」其實第三代標靶藥的副作用很大，嚴重腹瀉後又會便秘肚脹，導致精神和體力變差，行幾步就腳軟，Jeff一邊講一邊流下男兒淚。

Jeff沒有買保險，每月都要支付龐大的醫療費用，「我而家每個月打針都要用5至8,000蚊，之前免疫細胞治療又用咗50萬，加埋成日檢查，之前籌到嘅醫藥費都用得七七八八……可能之後要做化療，要用多7至80萬，財政壓力真係好大，其實我唔鍾意打搞人，但都無辦法。」

(點擊圖片放大)

積蓄耗盡︳孫慧雪出Po為好友陳積榮籌藥費 病況轉差：「佢見到我忍唔住喊」【下一頁】

Jeff的短片公開後，身為爸爸的Bob見到相關情況，他在FB留言：「我同幾個女決定，將今年收到部份嘅利是錢，捐贈俾陳積榮 (Jeff) 先生，希望呢一個小小嘅心意，可以減輕佢喺醫療經費同生活上嘅負擔，亦希望可以當作喺抗癌路上，我哋對佢嘅小小支持！Jeff，雖然我同你唔算太認識，但係我好想同你講，你真係好叻，好勇敢，好堅強，我好希望你可以打贏呢場仗，我哋一家人都衷心祝福你！我喺度呼籲，你一個分享或鼓勵都可以俾Jeff多一分希望，感謝。」

(點擊圖片放大)

{{hket:inline-image name="148487886_329199931822293_8835240290307621593_n.jpg"}}{{/hket:inline-image}}

*如果大家想支持一下Jeff醫療上經費,

以下是他的個人銀行資料:

chan chik wing

763 054 020 668 Heng Seng Bank

FPS 轉數快 (快速支付系統識別碼)︰6691216

*Jeff小資料：前無綫藝員陳積榮（Jeff）在去年8月時突然拍片表示患上第四期肺癌，而且有擴散跡象，經醫生診斷後最壞情況可能只剩下半年生命。早前Jeff有幸獲有心人籌錢醫病，完成電療療程後每天要食標靶藥，花費鉅大。目前經濟拮据，已沒有足夠金錢支付治療費用。

Bob接受《晴報》電話訪問，他表示：「我同女兒講有一個哥哥病咗，我話爸爸想佢哋將部份利是錢捐出嚟，幫哥哥減輕醫療費用同生活負擔。我問女兒意見，佢哋都一致決定話好。（以往都會乖乖捐利是錢？）其實過去咁多年，每一年佢哋嘅新年利是錢，我都會將部分拎出嚟，然後我會搵一個慈善機構，幫佢哋捐出去。好似上年咁，我哋就去咗深水埗明哥嗰度一齊買飯券，等女兒明白當自己有能力嘅時候，就要去幫助其他有需要嘅人。」Bob此舉獲得不少網友讚他是好爸爸、好榜樣，更有意外收穫，「我只係做應該做嘅事，好感動嘅係，好多網友見到我嘅呼籲同埋今次個post，佢哋都去送上一點心意，生命影響生命。」

的確，見到Bob的留言下面，有不少網友將捐款後的畫面cap低上載，繼續有人響應Bob的呼籲，希望積少成多，為Jeff奉上一份支持。

(點擊圖片放大)