事隔2年再拍戲│洪金寶減磅後精神奕奕肚腩依舊 感慨UA結業：「人生冇希望」

69歲的洪金寶今日與任賢齊、任達華、吳卓羲、林曉峰、方中信等出席電影《邊緣行者》的開鏡儀式，洪金寶過往多次被影到坐輪椅代步，而且身形消瘦，令大眾關心他的健康情況。洪金寶今日精神奕奕，戴上透明的面罩接受訪問，全程沒有用輪椅，只撐著柺杖行，且健步如飛，中氣十足非常精靈！為健康著想而減磅的他看來清減了，不過招牌「大肚腩」仍然保持著。

【與高麗虹結婚25年】洪金寶患糖尿用816斷食法減磅 「我老婆好煩但冇咗佢唔得」【下一頁】

{{hket:inline-image name="156502244_474505683732956_174288407587693889_n.jpg"}}{{/hket:inline-image}}

洪金寶表示由於新冠肺炎疫情的影響，對上一次拍戲已經是兩年前接拍電影《如珠如寶》，問到會否向劇組爭取足夠休息時間？他笑言：「呢期已經日日休息，休咗年幾兩年喇！梗係拍戲開心啦！香港人拍香港電影，都唔知幾時會停晒……今日聽到連UA戲院都執埋，遲啲發行公司、戲院都可能倒閉，分分鐘電視都無得睇，回復以前聽收音機！（對UA結業好欷歔？）當然啦！我哋以前都係喺戲院徘徊，每到星期六、日去霸位睇觀眾反應，睇自己同老死麥嘉嘅戲，而家冇呢支歌仔唱嘞！」

洪金寶對香港的電影公司大感佩服、欣賞，在疫情和有限製作條件下繼續開戲。問他會否減片酬以示支持本地製作？他笑指：「睇情形，如果係香港政府就一定唔減，香港政府大把錢，如果係其他人開就可以有商量。（想政府對電影業資助更多？）唔再講呢啲喇！冇希望，人生冇希望！唯一希望香港有番啲空氣可以呼吸吓，遲啲連空氣都冇！而家睇新聞見到啲老百姓生活情況，好心酸，我好想幫，但我幫唔到咁多，唯一可以幫佢哋流吓眼淚！」

(點擊圖片放大)

【近年屢傳身體差激瘦】洪金寶現身手腳靈活「起雙飛」68歲繼續做到身體退化才退休【下一頁】

洪金寶表示跟UA的老闆不相熟，笑言：「唯一識嘅老闆係我老婆。（佢陪你開工？）佢照顧我吖嘛，唔係佢有乜嘢做，返去炒佢魷魚！」

對於UA結業，同場的任達華表示：「聽到消息都有啲唔開心，事情發生咗，只希望疫情快啲走，各行各業重新開番。希望夏天疫情可以好得七七八八。今次對電影業打擊係大，希望有大財團能夠收購 (UA)。」而吳卓羲對UA戲院亦有不少的回憶，「我自小喺沙田長大，沙田UA戲院算係陪住我成長。我希望疫情快啲過，之後開番多啲戲院。」譚耀文同樣大感可惜，他表示希望日後以另一種投資方式經營，或者給其他院線接手。

(點擊圖片放大)

採訪：Pauline
責任編輯：楊安莉