有情飲水飽？│計劃買樓結婚被男友嫌搵得少 月入$1.3萬港女：對我嚟講夠食夠用

成家立室、生兒育女絕不簡單。一名27歲港女日前在網上訴苦，指近日與男友談及買樓結婚的計劃時，對方坦言希望另一半月入至少2萬元，方可一起分擔供樓重責。對此，月入1.3萬元的她有感被男友嫌棄，不禁大呻：「不如你搵第二個啦，我廢我無力，豬隊友。」

該名港女前日（7日）在網上討論區「連登」以「男朋友嫌我人工低 好大壓力」為題發帖，指自己與同齡男友於交友應用程式（App）認識，現時已拍拖1年多，相處良好。男友工作穩定，月入3萬多元；相反，學歷不高的她則在寫字樓做行政工作，月入1.3萬元。

她形容自己「個人又冇咩大志」、「想冇咩壓力」、「唔想做啲唔鍾意做嘅嘢」，又直言「我冇想搵好多錢呀，對我來講都夠食夠用」。惟近日與男友談及結婚計劃，對方表示希望另一半有與他相近的收入，可以一起分擔供樓之責，

「我追問之下佢expect（期望）我有20k up（2萬元起）嘅人工先同到佢分擔。」

事主坦言自己即時感到很大壓力，

「其實我都想搵份人工高啲嘅工啦，問題係呢年疫情，公司唔炒我都偷笑仲諗加人工會不會太奢侈？呢排返工已經夠忙夠大壓力，聽埋呢番說話，真係想講，不如你搵第二個啦，我廢我無力，豬隊友......」

此事引來網民熱議，有人認為事主男友說話過於苛刻，沒人能要求他人為自己改變，認為他不夠愛事主。同時，亦有不少人認為事主不求上進、不思進取、沒有體諒男友、危機意識不足，而且在現今男女平等的社會中亦不應過分依靠男友，著她為了自己、為了與男友的將來應發奮圖強：

（↓點擊圖片放大↓）

對此，事主表示自己其實不結婚都得，「想結婚嗰個係佢，我覺得自己咁幾好」；至於一旦結婚後自己對家庭的付出，她認為「可以打理屋企做家務，我都會返工」。不過，她表示自己其實亦有搵工，「但係人哋見都無見我」；對於有網民以過來人的經歷鼓勵她，她表示：「多謝，我見admin manager（行政經理）都有30k up（3萬元以上）嘅，我會喺能力範圍內努力做好。」

落訂買樓結婚揭男友炒股輸首期，港女欲借錢照上車：好鍾意個單位，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴