田蕊妮無得食杜汶澤住家飯即瘦

田蕊妮、潘燦良及溫玉茹昨日出席舞台劇《聖荷西謀殺案》記者會，首次演出舞台劇的阿田，直言心情興奮期待多於緊張，不過她未知該劇在疫情下能否順利演出，心情患得患失，導致胃口欠佳，因而消瘦不少。提到老公杜汶澤身在台灣，是否因無得食住家飯而瘦？阿田笑說：「都可能係，平時佢包辦晒㗎嘛！（阿澤回港欣賞演出？）我問咗朋友嚟唔嚟睇，反而無問佢，無理由我開騷佢唔嚟睇，佢會返嚟嘅。」

阿田在劇中演出的角色，在電影版中則由鄭秀文飾演，阿田不擔心有比較：「每個演員企喺鏡頭或舞台上，一定要有信心，否則對唔住買飛嚟睇你嘅觀眾。尤其企喺台上真係唔好怯，亦唔應該比較，每個演員演同一角色，都有佢唔同嘅演法。」男主角潘燦良坦言11年前已渴望演出該劇，今次難得夢想成真，令他開心不已。

採訪︰倪小珊