高海寧初入行被批死永世做陪襯 佘詩曼一席話助「開竅」畢生受用

麥玲玲與林盛斌（Bob）主持玄學清談節目《Master's Talk師父有請》，請來演藝界好友，傾盡最潮最爆最貼身話題。全新一集邀請到李佳芯（Ali）、張曦雯（Kelly）和高海寧（高Ling）接受訪問。玲玲師傅「一針見血」，指在場幾位都要經過一番努力先可以做到女主角，唔可以一步登天。

{{hket:inline-image name="_DSC1340.JPG"}}{{/hket:inline-image}}

高海寧（高Ling）初入行時以性感形象示人，她表示自己沒有想太多，有任何工作都照接，頭幾年都以拍綜藝同旅遊節目為主。不過拍劇時曾聽過難聽的說話，她說：「有個導演同我講：『你呢世都做唔到主角』，真係幾大打擊，佢係純粹睇樣就咁講……不過我唔記得佢係邊個喇！」

（↓點擊放大睇圖片↓）

麥玲玲指雜誌都有暗地調查，部分藝人放封面的話一定會賣得好好，除了周慧敏、徐子淇外，高Ling亦是其中一人，而不好賣的則是鄭欣宜。高Ling指初入行時被海量的新聞打擊，很多亂作的新聞出現：「細個覺得點解要咁對我，喊過無數次，試過要睇過精神科醫生，因為患抑鬱症，但每次想放棄做呢行時，就會有電影或工作搵你。曾經長時間要食藥，但我最唔想屋企人擔心，有記者試過去我父母工作場合搵佢哋回應，咁佢哋唔識應付會驚㗎嘛，我真係好嬲。其實咁樣對藝人好大打擊，亦要付出更多努力先得到認同。」

{{hket:inline-image name="_DSC0986.JPG"}}{{/hket:inline-image}}

高Ling指無論女一還是二、三、四，她都樂意去做，「阿佘同我講過一句，至今都記得，唔好理角色係咩，你要畀心機做，唔係主角唔緊要，做好佢，嗰場戲你就係主角；甚至你做得好好，可能蓋過主角光環都唔一定。」Ali認同戲劇是團體合作，正氣和奸角都是相輔相成。