產後《姊妹淘》復出｜吳若希主動談兩性相處話題 一句激嬲伴侶 網友笑︰問你老公

藝人吳若希（Jinny）生完第2胎後，留喺屋企相夫教子，不過Jinny一直心繫娛樂圈，密密做運動收身，希望早日復出。為一切做好準備嘅Jinny，早前正式宣布復工，重回《姊妹淘》主持崗位。佢特登喺IG Post出同《姊妹淘》主持之一莊思敏嘅合照，並寫下︰「我回來了！」高調宣布自己回歸，一班粉絲都紛紛留言表示期待。

孕傻系列｜吳若希擺烏龍記錯老公生日𤓓爆 Alex振夫綱大膽網上「公審」？【下一頁】

{{hket:inline-image name="156504749_142717777715551_1725590247690043270_n.jpg"}}{{/hket:inline-image}}

（↓點擊放大睇圖片↓）

節目《姊妹淘》由一班女藝人主持，除咗分享護膚、化妝、潮物等話題，更會探討兩性觀點。Jinny昨日就為《姊妹淘》錄製做定準備，喺IG story向網友集思廣益，「#姊妹淘 星期四要錄影《一句說話激嬲另一半》，歡迎各位提供內容」。

一眾網友都不吝嗇提供答案，而且都好有創意，「你好肥」、「讀錯你個名」、「你睇人哋個另一半幾好」、「其實我係因為大冒險輸咗先會追你」，最後呢個答案連Jinny都忍唔住配上一個原地爆炸嘅動態貼圖以表憤怒。

（↓點擊放大睇圖片↓）

Jinny經常喺IG公審老公何兆鴻（Alex），話老公成日激嬲佢，十足一對歡喜冤家。有網友留言「抽水」，「Ask your husband啦！」Jinny附上一張老公帶有鄙視眼神嘅相回覆︰「何生好忙，成日畀人召喚。」另有一名網友就話，「影相影得唔好唔係我技術問題，係你問題！」呢位網友應該講出咗Jinny心聲。

事緣Jinny早前難得同老公去酒店staycation，當然要影靚相留念，但Alex為Jinny影嘅相，張張都「炒晒車」，Jinny都忍唔住喺片中鬧Alex︰「你個頭冇用，你對眼冇用，你成個人都冇用」，極度不滿老公嘅攝影技術。之後Jinny更Post出3歲囡囡淼淼為佢影嘅靚相，更留言讚︰「囡囡攝影技術已經叻過爸B啦！」曲線踩低老公，認真搞笑！

（↓點擊放大睇圖片↓）

何哲圖離職星夢娛樂自立門戶 吳若希神預測追問「一姐」機會？【下一頁】