亂發脾氣｜女友生酮飲食減肥 港男拍拖食叫薯條無辜被罵 大嘆：又唔係我逼佢減｜附生酮飲食3大壞處

瘦身方法五花八門，其中攝取多脂肪、少澱粉質的「生酮飲食」近年亦大受歡迎。一名港男日前在網上訴苦，指女友因懶惰而不想做運動、節食，於是選擇以「生酮飲食」來減肥。然而，日前兩人出街拍拖食飯各自點餐，期間對方看到他吃薯條時卻大發脾氣指罵。對此，事主無奈地稱：「減肥又唔係我強迫佢，無啦啦鬧我做乜？」

該名港男周一（8日）在「香港討論區」以「女朋友試緊生酮飲食，出街食飯真係好__煩！！！！！」為題發文，指女友「唔想運動，又唔想節食，又想減肥」，於是選擇現今盛行的「生酮飲食法」來減肥，

「淨係食油飲油之類，淨係食肉，唔食澱粉質……原本以為佢自己食都冇所謂，反正出街都係各有各食……」

未料周日（7日）事主與女友出街拍拖食飯時，雖然兩人各自點自己想吃的食物，但食物送到時女友卻「黑晒口面」；原以為女友黑面是因為「食唔慣」，但對方卻突然發脾氣，怒斥事主不支持她減肥。

事主形容自己當時「黑人問號」、「真係唔知佢做乜」，接著更被女友破口大罵，「佢話我明明知道佢進行梗生酮飲食，唔食得薯條，我又叫份薯條食，擺明係想引佢乜乜乜……」事主聽後感到十分無辜，在文中大吐苦水表示：

「我X呀，你有你食我有我食，我自己本身有做運動食乜嘢都冇所謂啦，又係佢自己要搞乜X生酮飲食，減肥又唔係我強迫佢，無啦啦鬧我做乜嘢？又要瘦又要懶！切肉呀笨。」

「生酮飲食」小資料及3大壞處

「生酮飲食」（Ketogenic Diet）因「食肉瘦」的特性備受追捧，但其實未必能長時間持續，亦非人人適合。而且，亦不時有人誤當「食肉減肥法」為生酮飲食法，以為可放題般任意食肉，即可達減肥效果。但有營養師稱，此兩種減肥法原理類近，短期內或有減重效果，但副作用均大，或致「生酮不適症」如頭痛頭暈；而飲食不均會造成膽固醇高、骨質疏鬆、抵抗力差等，嚴重或可致機能失衡而昏迷，不建議採用。

註冊營養師（美國）佘綺玲（Elaine Hsieh）曾接受《晴報》訪問，解釋何謂「生酮飲食」：

（↓點擊圖片放大↓）

她又指出，持續「生酮」恐增患心血管病、高血壓及癌症的風險：

（↓點擊圖片放大↓）

營養師：運動最佳時間是40-60分鐘

營養師張展鵬亦曾指出，真正的減肥是讓身體得到平衡的營養，擁均衡飲食習慣，再配合適量運動。他建議適時地補充水溶性膳食纖維，協助益生菌生長平衡腸道健康，同時還可降低飢餓素的分泌、降低脂肪和膽固醇的吸收、幫助調節血脂，增加飽足感，讓身體的代謝力更好；因當攝取較多蛋白質時，容易影響腸道菌叢生態狀況。而運動的最佳時間是40-60分鐘，低於40分鐘無法保證減脂效果，超過1小時則會造成身體傷害。

因丈夫一句「變肥」5年勁減33磅，90歲婆婆由師奶變健身教練，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴