《Think Big》︳賴慰玲一家三口去Camping3歲囝囝生性返學搞喊自己

媽媽級賴慰玲擔任最新一集兒童節目《Think Big天地》嘉賓，接受周奕瑋和小主持訪問，講到她於演藝學院畢業，當上演員 ; 而原來她曾為夢想職業，有一刻想放棄讀演藝，她說：「中五時考到入演藝，但我嗰時想讀大學將來做記者，我睇到新聞報道就幻想自己如果出去採訪，好想十號風球時去碼頭感受颱風……當時我係咁諗，所以第一次考到演藝，冇讀，到後來考唔到嗰科做唔到記者嘞，又畀我再考到演藝，好戲劇化！」小主持問她，若可以再選擇會點揀？她笑說：「揀做演員！但會演一個角色係去追訪十號風球嘅！」

{{hket:inline-image name="58.jpg"}}{{/hket:inline-image}}

賴慰玲以媽媽身分上兒童節目《Think Big》講湊仔經。(圖片：電視截圖)

賴慰玲有不少暱稱，家人愛叫她「賴妹」或「賴ling」，入行後更多人叫她做「力王」，她說：「同我體力無關，我係一個好有感受嘅人，開心可以笑到肚痛，傷心會好似天塌咗落嚟咁，係大情大性嘅人 ; 所以畀人感覺我反應好誇張，加上自己演舞台劇，出嚟效果對比電視劇，情緒都會大啲，動作又會誇張啲，好用力，於是就畀人叫做『力王』！」其3歲的囝囝Marat亦遺傳了媽媽這種「力的表現」，「呢方面阿仔絕對似足我大情大性，佢喊又喊得特別大聲，笑又笑得開心過人，我喺屋企享受歌劇，佢會跟住嗌埋一份！」

初三赤口X情人節快樂│張振朗賴慰玲無懼伴侶呷醋姐「神鵰俠侶」熒幕CP 又愛又恨：「不如唔好再合作」【下一頁】

(點擊圖片放大)

媽媽見證著子女的成長過程，深刻又難忘，賴慰玲都一樣，她看著Marat每一個第一次，「好多第一次都好感動，第一次見佢由食奶轉食固體食物時，我喊！第一次見佢行一步路，我又喊！第一次送佢返學佢冇喊，係我喊……事前同囝囝講『返學啦，唔使喊，返學去玩，玩完我就返嚟接你』，佢真係冇喊，覺得阿仔好生性，所以我喊，一諗起呢件事就喊，仲喊足一個星期，好誇張……」囝囝第一句懂得說的話是「媽媽」，「佗住阿仔嗰陣，我已經不停同佢講嘢，係咁叫佢嗌媽媽、媽媽！而家佢嘅語言能力已經超越咗我，好多嘢講，係問題小朋友。」賴慰玲好想囝囝學鋼琴，為免他三分鐘熱度，她想出一個方法，「我怕佢學學吓唔鍾意就放棄，咁不如我去學，學完返嚟教佢，等我喺屋企彈，佢無壓力之下，就會模仿我去彈，呢個都係一個好好嘅學習方式。」

{{hket:inline-image name="48.jpg"}}{{/hket:inline-image}}

蔡思貝：「馬友點煮好呢？」（圖片：蔡思貝IG)

另外，昨晚賴慰玲和蔡思貝分別在IG上載多張露營相，明顯是前者孖住老公、囝囝去camping，唔介意好姊妹做電燈膽一齊玩。見他們露營設備齊全，有帳篷又有大光燈，還有小燈泡裝飾，相當寫意。不過，蔡思貝去郊外無懼被蚊蟲叮咬，穿長Boot曬腿，似乎有點格格不入。其中一張「合照」賴慰玲老公坐得遠遠樂為3人做人肉佈景板。

(點擊圖片放大)

撰文 : 衛紫敏

《克服他她它》最怕冇錢︳古明華尊嚴事小只怕家人被睇低「生活幾苦都唔好欠人錢！」【下一頁】