林夏薇未見過林峯囡囡

林夏薇前晚應敖嘉年邀請，參與《星級靚聲演唱廳》直播，首度在網上獻聲的薇薇相當緊張，事前特地跟唱歌老師上堂惡補，希望讓觀眾留下好印象。敖嘉年笑說：「我哋喺14年拍《寒山潛龍》認識，好難得先請到薇薇『出宮』。」提到曾志偉回歸TVB出任高層，薇薇說：「我希望多方面發展，我以拍劇為先，但如果可以想再唱劇集主題曲，之前唱《單戀雙城》主題曲，攞咗獎之後就無再唱，希望有多首新歌，等我唔使一曲走天涯。」

另外，薇薇表示因疫情所限，至今仍未見過堂兄林峯的囡囡：「我連自己父母都未見到，林峯個BB女更加未見過，只可以睇相。我之前買咗禮物送畀BB，但仲未有機會送出，好彩衫仔買大咗，希望送畀佢嘅時候仲啱着啦！」

採訪︰Pauline

攝影︰林良明