【聲明】港生活網站並無進行電話推廣活動

林夏薇未見過林峯囡囡

發佈時間: 2021/03/10

林夏薇前晚應敖嘉年邀請,參與《星級靚聲演唱廳》直播,首度在網上獻聲的薇薇相當緊張,事前特地跟唱歌老師上堂惡補,希望讓觀眾留下好印象。敖嘉年笑說:「我哋喺14年拍《寒山潛龍》認識,好難得先請到薇薇『出宮』。」提到曾志偉回歸TVB出任高層,薇薇說:「我希望多方面發展,我以拍劇為先,但如果可以想再唱劇集主題曲,之前唱《單戀雙城》主題曲,攞咗獎之後就無再唱,希望有多首新歌,等我唔使一曲走天涯。」

另外,薇薇表示因疫情所限,至今仍未見過堂兄林峯的囡囡:「我連自己父母都未見到,林峯個BB女更加未見過,只可以睇相。我之前買咗禮物送畀BB,但仲未有機會送出,好彩衫仔買大咗,希望送畀佢嘅時候仲啱着啦!」

採訪︰Pauline

攝影︰林良明

林夏薇未見過林峯囡囡

林峯與張馨月拒絕讓女兒容貌曝光。(資料圖片)