430穿梭機｜譚玉瑛爆做兒童節目幕後睇唔起 從未羨慕梁朝偉走紅：做過同事都開心

譚玉瑛由1982年起主持TVB兒童節目，先後主持過《430穿梭機》、《閃電傳真機》、《至Net小人類》和《放學ICU》，主持經驗長達32年，無論大人或小朋友都稱她作「譚玉瑛姐姐」。

{{hket:inline-image name="tam.png"}}{{/hket:inline-image}}

【兒時回憶】邊位主持兒童節目仲耐過譚玉瑛？ 細數7位陪伴無數港人成長兒童界代表 【下一頁】

譚玉瑛早前接受張寶華網上節目訪問，講起以前主持兒童節目的經歷。張寶華先單刀直入問她鍾唔鍾意小朋友？佢坦言：「我唔憎，哈哈！我真係冇特別鍾意小朋友。」她又指當初想去讀建築，點知被人嫌太瘦及細粒，最後報考了TVB藝員訓練班。

1979年，她於第9屆藝員訓練班畢業，與黃日華、苗僑偉是同屆。她指以前讀完藝訓班好少人自願做兒童節目，通常係「被委派」，「身邊拍檔做幾年就換新人接棒。以前拍戲先會紅，咁學做戲就一心想做戲，做完一輪兒童節目就會自動提出想走。」她更指當年連燈光師及幕後也看不起兒童節目主持，譚玉瑛就以實力證明自己，「一take過，用Roll機唔NG去展現自己能力。」

{{hket:inline-image name="tAM2.png"}}{{/hket:inline-image}}

她又指昔日做兒童節目主持有好多掣肘，「唔可以拍其他劇集，贊助商嘅嘢又唔可以擺出嚟，變咗又唔會多人識、又唔會賺到錢，又唔會提升到知名度。」不過直至梁朝偉和周星馳成名後，大家就開始多留意兒童節目主持。「會問佢哋喺邊度嚟，原來以前佢哋做兒童節目，啲人又會留意有咩人一齊做咁。」

梁朝偉和周星馳都是譚玉瑛的舊同事，她就指自己從未羨慕過他們名成利就，反而安於現狀。「根本諗都冇諗，做呢行就會明白，佢就係佢，你就係你。同樣你做佢嘅嘢，你都未必有佢嘅成就，因為你唔係佢；見佢成就咁大，曾經做過同事都會開心。我覺得我自己都好好，做梗自己想做嘅嘢，從來唔需要羨慕人。」

（↓點擊圖片放大↓）

張寶華問到譚玉瑛當年跟周星馳合作時有甚麼趣事，她就指與星爺放工會一齊搭車，對方視小朋友是工作夥伴、對手，「我哋唔會特別抱吓小朋友，哄吓佢哋都冇」。

{{hket:inline-image name="sing3.png"}}{{/hket:inline-image}}

當張寶華問周星馳是否喜歡整蠱細路時，譚玉瑛說：「我又唔係好覺，佢嗰種整蠱係因為冇當你係細路，冇刻意呵護，鍾意就睬吓你。如果佢覺得你講嘢冇意思，藐吓你就行咗去，有人見過佢打細路，我自己就冇見過。」

【流行經典50年】劉彩玉做主持年資媲美譚玉瑛 與壁球名將丈夫結婚20年恩愛如昔【下一頁】

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress