ViuTV《最後一屆口罩小姐》│40強美女出爐戴口罩靠絕招取勝 藝人董嘉儀方泳琳出戰VS網紅

在疫情下人人戴口罩過日子，個個女人戴住口罩，齋睇半張臉，彷彿都是「美人」。

ViuTV索性搞個另類選美，舉行名為《最後一屆口罩小姐選舉》，經過早前一輪招募後，昨日ViuTV嘅Facebook專頁，上載40強候選佳麗嘅相片，並寫上︰「留意番，呢張名單係一個名都唔會有㗎！因為喺佳麗被淘汰前，呢個選美節目係全程戴口罩，身分亦同佢哋個樣一樣相當神秘！唔知隔住口罩，大家又有無覺得邊個佳麗熟口熟面？又或者已經畀佢對電眼電親呢？」而節目於3月22日首播，逢周一至五晚9點半播出。

{{hket:inline-image name="65.jpg"}}{{/hket:inline-image}}

ViuTV舉行另類選美《最後一屆口罩小姐選舉》，又幾有睇頭咁喎！（ViuTV Facebook)

{{hket:inline-image name="61.jpg"}}{{/hket:inline-image}}

有ERROR做評判一定好搞笑。(網上截圖）

{{hket:inline-image name="62.jpg"}}{{/hket:inline-image}}

這名口罩佳麗話自己技能係拔罐，ERROR肥仔 (梁業) 犧牲做白老鼠。(網上截圖）

{{hket:inline-image name="63.jpg"}}{{/hket:inline-image}}

061號佳麗嘅技能係「含水講嘢」，真係聞所未聞喎！(網上截圖）

{{hket:inline-image name="64.jpg"}}{{/hket:inline-image}}

呢個佳麗玩跳彈床，係技能定係興趣呢？(網上截圖）

話明「口罩小姐選舉」，候選佳麗都係清一色戴住口罩，單靠佢哋眼神、髮型同身材，仲有一啲文字簡介……即係三圍數字、年齡、身高、職業，技能同興趣，咁先畀到觀眾、網民無限想像空間，評頭品足一下。

ViuTV亦刻意保持神秘感，無公布候選佳麗姓名，有網民認出「094」就係籃球界女神方泳琳、「071」係「大埔LuLu」董嘉儀 ; 前者喺年齡一欄寫上「秘密」，網民話參選得就冇秘密可言，而後者就報稱31歲 (維基百科寫27歲)，有網民就好欷歔話「LuLu咁就31啦」。大家又覺得似唔似呢?

仲有「050」係落選港姐楊慧敏 (Mina)，佢大學時期係馮盈盈嘅同系師姐。楊慧敏即被網民翻出黑歷史，除咗話著童裝搶fo外，去年廿多名港女「屈蛇」喺半島酒店開生日party，佢就係其中一個嘞！另外有幾位報稱自己係網紅，網民便逐個剔出「070」的「米媽」米露迪，「056」寶欣和「086」阿慈，想知網民啱唔啱 ? 起底成唔成功 ? 點擊圖片放大睇，一齊認人啦！

(點擊圖片放大 入圍40強口罩佳麗)

至於候選佳麗的相片、簡介資料亦引起網民連場熱話，當中指「022」雙眼似足賈曉晨，「027」的腰果眼極似吳若希。同場發現唔少巨胸佳麗，「040」報稱上圍34，但幅相明顯經過P圖，網民嘲笑佢修圖修到「胸大過人頭」，而「034」報稱擁有37.5的豐滿上圍，同樣被網民指「異於常人」，批評數字與相片有落差好大！

除了圖片與事實不相符之外。佳麗中年齡最細為19歲，亦有42歲的中女級出戰，慘遭網民形容「極重大媽feel」。而佳麗報稱技能一欄亦成網民笑點，例如有識駕駛飛機嘅女中醫，有人「含住講嘢」當強項 ; 亦有扮嬰兒說話、擅長解決問題、空中一字馬等！興趣方面同樣奇特，包括「買口罩、採耳，拉筋、食嘢」等。網民話最期待係「061」表演「含水講嘢」，未開播齋睇網民留言已是娛樂性十足。

(點擊圖片放大 入圍40強口罩佳麗)

(點擊圖片放大 畀網民成功認出?)

撰文 : 衛紫敏

《Think Big》︳賴慰玲一家三口去Camping 3歲囝囝生性返學搞喊自己 【下一頁】