流行經典50年｜李琳琳大腸癌癒後首與姜大衞上鏡 撐細仔出道女婿曹永廉做綠葉

姜大衞與李琳琳1974年奉女成婚，先後誕下兩位千金，女方於48歲高齡時再誕下兒子姜卓文。十年前曾患大腸癌，在半年內接受了12次化療。當時她到醫院照大腸時發現癌細胞，醫生評估只屬初期 ; 琳琳姐接受手術治療，之後再檢查時發現癌細胞已擴散到淋巴，由第一期跳到第三期，要接受化療。由於她性格樂觀加上丈夫停工相伴，身體復原進度比預期好。

{{hket:inline-image name="20210217023826537.jpg"}}{{/hket:inline-image}}

李琳琳病癒後，前晚首度亮相幕前，現年72歲嘅佢精神飽滿接受訪問，有講有笑，她說：「我都超過10年冇上節目嘞！」琳琳姐表示自己2007年回流香港，一直沒有公開亮相。姜卓文首次喺無綫演唱，父親母親也到場支持，不過佢哋就打趣話係撐女婿曹永廉。一家人上節目唱歌，琳琳姐幽默表示「驚嚇走晒啲觀眾」。

姜卓文加入娛樂圈，不過佢透露暫時未有同任何公司簽合約，表示初入行乜嘢都想嘗試，希望參與更多範疇搵到自己條路。姜大衞更大爆兒子最初沒有唱歌天分，「但阿仔越唱越好聽嘅。」而琳琳姐則表示阿仔唱歌好聽過爸爸好多。

(點擊圖片放大)

對於兒子入行，姜大衞同老婆都表示支持，會尊重兒子嘅諗法，李琳琳指：「做父母一定會支持佢，我哋希望佢自己要用功、要努力 ，希望佢都會成功。」姜大衞就畀好多自由阿仔：「如果佢話要演戲，無論支唔支持……其實唔到我話唔得，因為佢有自己想法，我哋左右唔到。」

{{hket:inline-image name="314a85528849a5c7c5e599520d1a53f2.jpg"}}{{/hket:inline-image}}

至於久未露面的姜文杰跟妹妹姜麗文已有六年沒有一齊出鏡，兩人對於能再次在熒幕上唱歌表示相當感動，又自嘲回想昔日兄妹檔唱歌相當「老餅」。近年姜文杰專注為電影配樂，礙於疫情關係，多部電影無法放映，他的工作量亦受影響。