【聲明】港生活網站並無進行電話推廣活動

鍾嘉欣未聞無綫開拍《法證V》

發佈時間: 2021/03/11

日前有傳無綫計劃開拍《法證先鋒V》,找來「星夢一哥」周柏豪當男主角外,更邀得佘詩曼、鍾嘉欣(Linda)等參演,令各界熱切期等。本報向Linda求證,她以短訊回覆︰「我現時身在溫哥華,仍未聽聞任何消息關於這齣劇!」看來才剛完成《兒科醫生》的她,暫未有再回港拍劇的時間表。

此外,近來Linda積極為個人YouTube頻道拍片,她前日上載的短片中,請來其頭號粉絲Queenie當嘉賓。Linda提及自己入行17年,拍劇無數亦曾開個唱,眼淺的她竟忍不住落淚︰「講起呢啲真係好感動,因為做咗娛樂圈咁耐真係唔容易,好多時候得我自己一個喺香港,無家庭、無親戚,所以有粉絲支持真係好開心!」她坦言與粉絲難得仍保持良好關係︰「見住你哋由細到大,做埋老師,好得意,我結咗婚生埋仔,仲要五年無返嚟,奇怪你哋仲喺度,照計應該跟咗第二個(明星)唔再跟我!」

鍾嘉欣未聞無綫開拍《法證V》

鍾嘉欣談到粉絲對她不離不棄,即感動爆喊,盡見真性情。(網上截圖)