同期歌手撞正陳奕迅 陳展鵬︰實力距離太大

陳展鵬日前為TVB娛樂新聞台節目《StarTalk》任嘉賓，接受主播許文軒專訪，大談他重拾歌手夢推出新歌《零歲》感受。陳展鵬說︰「98年有機會簽大公司出歌，當時做歌手嘅心態好強烈，但其實完全唔知做歌手需要啲咩。當我入錄音室，見到恭碩良打鼓、彈結他，但我乜樂器都唔識，發覺自己實力原來距離咁大時，會重新評估自己，知道自己缺乏好多。」他坦言當年的同期歌手有陳奕迅、謝霆鋒，令他壓力極大︰「大家一齊出騷，佢哋個個好有實力，每次到我上台，都會好大壓力！慢慢驚咗做歌手，唔敢再諗。」

今次再戰樂壇，展鵬笑言辛苦了監製舒文︰「舒文好似教緊一個新人咁，我要放低演員身份去唱歌，過程好迷茫，好似完全唔識唱咁，要慢慢返屋企做功課同練歌。」