惡妻有今日︳吳若希遭老公點去執柴做阿四 難得有仇報 老公爆Seed：你死先！

吳若希（Jinny）年初時在YouTube開設個人頻道，不時捉埋老公何兆鴻（Alex）拍片放閃耍花槍，尤其Jinny在網民面前毫不留面喪鬧老公，Alex勝在EQ高，採取話不還口，打不還手的「軟皮蛇」招數應對。而上一集Jinny嚟一次「相敬如賓周」來折磨老公，即要求對方全日答應自己任何要求，包括強迫老公打掃屋企，仲有公主抱她等。最新一集，Alex要爆嘞，「振夫綱」勢要向惡妻報仇！

{{hket:inline-image name="05.jpg"}}{{/hket:inline-image}}

Alex同製作團隊決定向惡妻吳若希復仇「振夫綱」。（圖片：網上截圖）

片中Alex透露今次復仇計劃是帶老婆去露營，「上次我『All Day Yes』，今次仲唔到佢？我去歎，佢做晒所有嘢！」點知工作人員問Alex︰「你夠唔夠薑呀？」他好似食咗豹子膽咁答：「驚乜嘢呀……試咗先啦！」視死如歸補充︰「最多返去屋企跪鍵盤啫！」如此縮一縮，搞到全場爆笑！

產後《姊妹淘》復出｜吳若希主動談兩性相處話題 一句激嬲伴侶 網友笑︰問你老公 【下一頁】

{{hket:inline-image name="07.jpg"}}{{/hket:inline-image}}

Alex抱視死如歸心態，點足老婆全日！（圖片：網上截圖）

{{hket:inline-image name="09.jpg"}}{{/hket:inline-image}}

吳若希被老公一朝早叫醒，展開「All Day Yes」復仇行動。（圖片：網上截圖）

Alex依計畫孭住背包帶Jinny到大嶼山露營，去到荒野草地，話明「All Day Yes」，搭營工作梗係交晒畀女方去做，Alex全程翹埋手懶理！Jinny對住幾支杆同帳篷無從入手，「其實個營點樣紮？真係好痛苦......又話有說明書嘅？唉......舒舒服服唔得嘅，係要去露營！」難得做「Big Boss」，Alex有風駛盡𢃇點老婆去執柴，「好肚餓呀，去執啲柴返嚟生火！」冇得say no嘅Jinny忍住度氣 ，雙手叉腰眼望天，「連架直升機飛過，都感覺到我嘅無奈......執柴好呀，執啲廢柴返嚟......」未見過Alex咁Man話：「唔好講咁多嘢，我聽到你講乜嘢！」Jinny身水身汗執柴，邊自嘲「自作孽」，「竟然諗到『相敬如賓周』呢個題材嚟玩自己......」

(點擊圖片放大 )

至於Alex對住鏡頭大講風涼話，「好心痛！點老婆去執柴，但老婆平時氣焰太勁，點都要狠狠教訓一下！」話去露營都係整蠱老婆啫！其實他早已安排露營車「宿一宵」，兼慶祝3.14白色情人節。

當Jinny置身露營車中，極目所見心形氣球、鮮花，即冧爆大叫：「好靚呀！」Alex陰陰嘴話：「有床......我哋可以......生多個囡囡啦！」之後他帶她去海灘睇日落景色，Jinny話將來退休可以搬入大嶼山住，估唔到老公竟然咁答：「將來搬咗入嚟你要死先......」嚇到全場「吓」一聲！Alex急轉彎表示︰「如果我死先邊個照顧你？你咪得自己一個孤苦伶仃，你知你幾蠢 㗎啦！」

Jinny對於老公嘅「心意」又冧又激氣 ，「我哋明明啲對白好sweet，但喺你把口講出嚟就變得好唔sweet！」她要老公encore講多次，對方最後給老婆送上一句「情人節快樂」，總算浪漫收場。

(點擊圖片放大 )

撰文︰衛紫敏

李麗珍女兒許倚榕醜小鴨變女神 脫胎換骨 大眼高鼻長腿高質女 【下一頁】