小儀與13型男｜蘇民峰女友初見爭埋單唔嫌窮小子 拍拖30年「由憐生愛」安全感滿分

由阮小儀主持的香港開電視節目《小儀與13型男》，逢星期六晚上11時播映，今集（13日）邀請到「成熟穩重型」 的蘇民峰師傅擔任小儀約會對象。甫出場小儀即嫌棄表示：「唔係嘛，點解呀？話明係成熟型男，點解會係你（指蘇民峰）呀？」身旁蘇民峰即回應指：「我熟到爛，不過型唔型，就見仁見智。」你一言我一語，場面惹笑。

{{hket:inline-image name="5624f068-b4f7-47a3-a323-31839d315498.JPG"}}{{/hket:inline-image}}

節目中，蘇民峰為小儀親自下廚煮西班牙菜，盡顯成熟穩重一面，小儀亦讚嘆表示：「如果個男仔好似師傅（指蘇民峰）煮嘢食咁叻，吸引力會大增，男仔煮嘢食畀女仔，感覺好溫馨。」席上，蘇民峰亦不時提及拍拖30年的「愛人」Lilian，他說：「我唔係成熟，但我好現實，同我一齊會有安全感。以前窮得滯，啲女人嫌我窮，直到我（遇到）呢個『愛人』，我窮都唔嫌棄我。第一餐同佢喺台灣飲茶，係佢埋單，因為佢驚我冇錢畀；佢第一次嚟香港，就買嘢送畀我，我都冇買嘢送畀佢。」

小儀自嘲幼稚拒愛熟男

問到蘇民峰憑甚麼成功「鎖住」Lilian？他笑說：「我都有問過佢（Lilian）鍾意我咩，佢話覺得我可憐喎，由憐生愛。佢嗰時鍾意我係因為我醒目，仲有一樣嘢係因為我個人好玩，有邊個男友每日會同對方蒲天光，再行彌敦道返屋企吖？」

（↓點擊放大睇圖片↓）

在小儀眼中，蘇民峰不僅是成熟穩重，她指對方更是可以付託終生的好男人，小儀說：「同成熟型男一齊有咩唔好處？我太幼稚，未夠成熟，未接收到佢嘅嘢，可能會好大壓力。不過我係鍾意同成熟男仔一齊嘅，但呢類男仔我係吸引唔到，未試過有呢類型男仔追求過自己。」