港燈送獨居長者抗疫健腦福袋

唔少獨居長者喺疫情下減少外出，公關姊妹同黛安講，港燈未來幾個月，會繼續同港島同南丫島9間長者服務機構合作，派出全新電動車送暖號，分批向超過1,000名獨居長者送上抗疫健腦福袋，等佢哋可以保持精神健康。

姊妹話，抗疫健腦福袋入面有齊健腦遊戲卡、口罩、食物、多用途抗疫筆等等，即使長者未能外出，都可以透過桌上遊戲多啲動腦筋。港燈營運董事鄭祖瀛日前仲化身「送暖號」車長，參加「送暖號Go-Go-Go」啟航服務，佢話知道疫情令長者多咗留家，希望福袋可以幫佢哋減輕經濟負擔之餘，都可以同社區保持接觸，港燈真係有心呀。