【聲明】港生活網站並無進行電話推廣活動

港燈送獨居長者抗疫健腦福袋

發佈時間: 2021/03/12

唔少獨居長者喺疫情下減少外出,公關姊妹同黛安講,港燈未來幾個月,會繼續同港島同南丫島9間長者服務機構合作,派出全新電動車送暖號,分批向超過1,000名獨居長者送上抗疫健腦福袋,等佢哋可以保持精神健康。

姊妹話,抗疫健腦福袋入面有齊健腦遊戲卡、口罩、食物、多用途抗疫筆等等,即使長者未能外出,都可以透過桌上遊戲多啲動腦筋。港燈營運董事鄭祖瀛日前仲化身「送暖號」車長,參加「送暖號Go-Go-Go」啟航服務,佢話知道疫情令長者多咗留家,希望福袋可以幫佢哋減輕經濟負擔之餘,都可以同社區保持接觸,港燈真係有心呀。

撰文: 黛安 消息特靈八卦公關
欄名: 八卦名利場