親自選景點拍MV 何雁詩慳錢穿私伙泳衣

何雁詩（Stephanie）日前為新歌《灰夠》拍攝MV，為配合傷感的曲風，Stephanie親自挑選長洲一間度假屋拍攝，她表示︰「我特別鍾意實度假屋嘅窗及浴缸，覺得好靚之外，亦啟發咗我以一鏡過嘅方式拍攝呢個片段。」MV亦參考了Stephanie一些以往的失戀經歷︰「以前每當我唔開心時，除咗唱歌，我都鍾意浸住浴，點支蠟燭，開支紅酒飲，抒發一下情緒，所以今次片段中都係用咗呢個idea去拍攝。」

由於Stephanie已轉型為獨立歌手，沒有唱片公司支持，所以這次MV製作亦要節省成本，Stephanie更索性露香肩上陣，免去龐大的服裝開支。她說︰「今次最慳錢係服裝，因為完全唔使借衫，我着咗自己嘅泳衣上陣，所以係好慳錢！」被問到老公鄭俊弘（Fred）可有反對？她笑指Fred一開始有些愕然，不過慢慢都轉為理解，也非常感謝他的支持。