陳山聰、姚子羚、陳自瑤及劉穎鏇等，昨日宣傳劇集《大步走》。提到若收視達30點會如何報答觀眾，眾人推舉身材出眾的陳自瑤穿三點式跑步，但男主角山聰卻「淆底」，揚言身為父親要檢點，拒絕性感跑步。
陳山聰與姚子羚十分開心《大步走》收視不俗，山聰表示若收視達30點，會邀請陳自瑤着三點式跑步，不過他亦憐香惜玉說︰「陳自瑤上身比堅尼，下身着legging就得！」姚子羚揚言最近瘦了不願穿泳衣跑步，山聰即提議︰「咁你着羽絨跑，着番脹佢！」子羚要求山聰穿丁字褲一齊跑，山聰卻拒絕說︰「我做咗爸爸，凡事要檢點啲，做個仔嘅好榜樣。不如叫埋劉穎鏇着三點式，佢身材咁好，唔推啲後生出嚟，唔通我呢啲叔叔做咩。」
姚子羚拉胡定欣做盛女
提到拍劇趣事，山聰大爆子羚拍攝一幕狂飲啤酒戲，結果弄假成真飲醉，子羚說︰「因為呢場係最後一場戲，想拍出嚟真實啲，飲咗四、五罐啤酒，塊面紅晒，連粧都唔使化。」但山聰自言要駕車，所以他拍攝時以水代酒。
另外，提到好姊妹李施嬅未婚夫原來是星級健身教練Anson Cha，子羚說︰「我哋都見過佢嘅男朋友，係一個好有正能量嘅教練，佢哋相信等疫情過咗先搞婚禮。」提到胡道八道會中子羚仍未結婚？她醒目說︰「仲有胡定欣！其實邊個拍拖結婚先都無所謂，好姊妹最緊要大家都得到幸福。」
採訪︰Pauline
美術︰梁政敏
攝影︰林良明