家居意外｜BB跌落床額頭撞腫港爸發帖求教 網民疑惑：唔係應該同佢睇醫生？

現今不少人會在社交網發帖徵詢意見，但如牽涉到孩童生命安全，家長應盡快直接向醫生求診。一名港爸日前在社交平台發文，指11個月大兒子不小心跌落床致額頭瘀傷；然而港爸未有馬上帶他求醫，反第一時間向網民求教「下一步應該點做」。有網民看到帖文後，不解港爸為何向「萬能Facebook」而非專業醫生求助，亦有人揶揄他下一步應該「扶番起佢（兒子）」。

女網民Wincy周五（12日）在Facebook群組「小心親子遊（討論父母與子女旅遊態度）」中發文，指一名港爸的年幼兒子不慎從床上跌落地，父親卻未有第一時間帶他向醫生求診，反是向網民求助。從女網民貼出的截圖可見，該名港爸同日曾在Facebook群組「巴打絲打『13親子育兒』Facebook Club」發帖表示：

「11個月人仔，唔小心碌咗落床，額頭瘀咗，我下一步應該點做？帶小朋友見醫生？」

怪獸家長｜帶兒子上門拜年，惡港媽喝止親友打麻雀，「我個仔要上網課！」，詳情即睇：【下一頁】

網民疑惑：唔係應該同佢睇醫生？

同時，疑似男嬰母親亦留言指兒子額頭「腫晒」，「一撳落去就喊，喊到唔收聲」；她又指已為兒子塗抹萬花油，「爸爸收工返到來即刻去（睇醫生）」。儘管該名港爸事後補充「我會帶小朋友去睇醫生，麻煩晒」，帖文仍引起網民熱烈討論。

對於該名港爸未有即時帶兒子求醫，而是向網民徵詢意見，Wincy感到十分疑惑，不禁揶揄指：

「Facebook真係萬能，唔係應該同佢睇醫生？而係應該上嚟問！」

不少網民亦認為小孩子跌倒後果可大可小，建議事主馬上帶兒子去看醫生。有網民對港爸請教「Facebook大神」感到無奈，亦有人列舉其他「急救步驟」，以揶揄他在兒子受傷後「第一時間上網」：

↓ 點 擊 圖 片 放 大 ↓

兒科醫生：應尋求專業人士意見

兒科醫生伍永強接受《晴報》訪問時表示，幼兒跌倒後要視乎他們跌得「有幾應」、如何跌倒、從甚麼高度跌下、跌在怎樣的地面、事發時身邊有沒有人照顧、是單次還是反覆跌落等，才能判斷跌傷的嚴重性。他指額頭頭骨較硬，涉事的11個月大男嬰跌傷額頭，危險性較低，未必有太大問題；但該名港爸如沒有信心判斷兒子傷勢的嚴重性，應尋求專業人士意見，

「撞親一下個個都經歷過，但如果個爸爸都係擔心、冇信心，應該去睇醫生，而唔係喺網上問意見，因為網民唔會知道個詳細情形，就算有相都冇用，因為醫生要做檢查先會知道係輕微定嚴重。」

幼兒撞傷頭部嚴重可致腦震盪

伍醫生指，幼兒撞傷頭部後果可大可小，如遭尖硬物碰撞，可致皮膚爆裂流血；若被大力或反覆撞擊，嚴重時會出現腦震盪和血管創傷致滲血、出血。他表示醫生經檢查後如判斷傷勢屬輕微，多數觀察一、兩天便可出院；但如情況嚴重或需進行電腦斷層掃描（CT scan）甚至腦部手術。

對於有網民提出可先觀察幼兒跌倒後是否有嘔吐和暈眩的症狀，伍醫生指這是判斷嚴重性的指標之一，但他表示如幼兒出現以上症狀才送往急症室或已太遲。他建議家長遇到以上情況，應尋求專業人士意見，同時注意家居安全。

開鎖｜開鎖師傅收350元15秒打開反鎖房門，過程太快港媽反而心痛，詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀