蝦頭楊詩敏被出賣大量風塵舊相 對眼大幾倍：「我真係冇整容」

「蝦頭」楊詩敏近日頻頻邀請圈中好友一齊開直播慈善音樂會，近日的嘉賓是「Gary哥哥」譚偉權，兩人開騷前的預告上載了兩人27年前的經典合照，已經引發熱鬧討論，事關當年的蝦頭非常年輕可愛，微絲細眼盡是稚氣。直至音樂會當晚，Gary哥哥準備了「黑歷史」放題，帶來大量當年演音樂劇《遇上1941的女孩》的舊照，當時Gary哥哥是男主角，而蝦頭是群眾演員中的妓女和難民。這個音樂劇演過3年，分別是1993年、1994年及2000年，不同時期的蝦頭都非常可愛。

失憶24小時X大步走︱譚偉權曬27年前舊照被讚凍齡 18歲蝦頭微絲細眼惹整容疑雲【下一頁】

{{hket:inline-image name="159816783_108118797912411_3902656878782591931_n.jpg"}}{{/hket:inline-image}}

蝦頭和Gary一開始合唱音樂劇中的歌曲《天國之邊》，唱畢蝦頭激動哽咽，她表示：「我知我唔會有機會做到阿彩（音樂劇女主角），但我可以咁樣同你對唱，個感覺好特別，好似夢境成真。」Gary直言已經很多年沒有唱，一唱都有滿滿的回憶湧出來。他們在直播分享當年的照片，當時Gary分別跟劉喬方（劉玉翠）及林小寶做男、女主角，蝦頭首演時只有18歲，剛剛接觸音樂劇，傻更更一臉懵懂，其中一張她跟彭秀慧同場，她說：「唔好意思呀彭秀慧，出賣咗你以前嘅美貌，不如大家懷疑一下彭秀慧有冇整容好過啦......講笑講笑！」

（↓點擊圖片放大↓）

失憶24小時│譚偉權演揦鮓星意外撞樣郭晉安 改變形象甩童顏 太太顏菁葦點睇？【下一頁】

隨後，蝦頭主動提及自己穿旗袍的這張合照，當時是2000年，她說：「我冇整過容，我真係冇，整完都得而家呢個樣，咁就係失敗啦嘛？我係靠化妝所有對眼大咗啫！呢張真係冇辦法唔拎出嚟啦大佬，Gary為咗我著想抽起咗，不過我攝番落去，唔緊要啦都冇露胳肋底毛，當年我真係好似冇剃到添！」蝦頭雖然一路講一路自嘲，不過不少觀眾紛紛留言讚「好索」，事關當年蝦頭的身材非常之好，她說：「當年真係好婀娜多姿呀！」

蝦頭接受《晴報》電話訪問，她表示是她主動拜託Gary哥哥找回當年的照片，好讓大家一齊回味，她說：「我唔覺得係黑歷史，我由細到大都係咁嘅樣，一直都單眼皮，只係後來學識化妝，而家簡單你畀一對假眼睫毛畀我，我就已經識得化到變大眼睛兼雙眼皮，好似貼咗雙眼皮貼一樣。(當年一樣溝死仔？)鍾意我嘅就唔係淨係睇表面嘅！」蝦頭表示真的高興跟Gary哥哥重聚，因1993年《遇上1941的女孩》這個劇正正是她首次踩上舞台台板的第一次，當時還未懂何謂演戲，只在後排看著Gary哥哥等前輩們，希望有一天可以跟他們一樣，在舞台上發光發亮，她說：「音樂會能夠同Gary哥哥一齊唱歌，感覺已經係好夢幻同好感動，大家一碰面好多回憶都返晒嚟。」

（↓點擊圖片放大↓）

責任編輯：楊安莉