再見《香港原味道》？︳黃庭鋒拍足5輯新丁變元祖級 感激譚玉瑛加持有運行

黃庭鋒在IG Story出Post，上載一張與孔德賢(Danny)、林正鋒、劉頌鵬（Enson）、吳天佑，5位「香港原味道主持」的大合照，寫著：「Probably the last time...say bye to the farm!!! 或許是原味道最後一集，Thanks for all the hard work!!!」，莫非《香港原味道》拍到最後一輯？

{{hket:inline-image name="40.jpg"}}{{/hket:inline-image}}

黃庭鋒主持了5輯《香港原味道》，第5輯有一班「後生仔」加入增添唔少生氣。（圖片：黃庭鋒IG)

黃庭鋒由2018年的《香港原味道》第1輯開始做主持，當時與譚玉瑛及吳幸美拍檔，介紹香港本土食材的源頭。節目拍攝至今已經去到第5輯，經歷幾個不同年代的主持，庭鋒亦已由新人演變成大師兄，帶住一班「後生仔」做節目，自然感受良多。

庭鋒接受《晴報》訪問時表示：「當時 (第1輯) 自己啱啱入行做主持冇耐經驗唔夠，好彩有阿譚帶住，佢跨年代同過周星馳、梁朝偉做主持，自己都覺得好榮幸，可以畀佢加持到。阿譚反應好快，訓練到我好多嘢，尤其係講食，其實係幾難，唔通只係講雞有雞味，魚有魚味。阿譚喺飲食方面好了解，佢講得到食物唔同嘅特色，幫咗我學到好多嘢。」庭鋒感激阿譚的教導，和她合作後甚至如同被「加持」了一般，在2018年的《萬千星輝賀台慶》中，幸運地贏到51萬元獎金大獎呢！

( ↓點擊圖片放大↓ )

庭鋒回憶初拍《香港原味道》說：「節目原先只預計會拍4至6集，但播出後反應幾好，跟住拍吓一輯、拍吓又一輯，而家去到第5輯，自己都冇諗過一個節目可以拍咗3年幾，真係好難得。」被問到希望長拍長有還是見好就收時，庭鋒表示：「節目拍咗3年幾，香港嘅原食材都拍咗9成，如果發掘到新元素，可以唔局限喺食物方便，都可以拍落去。」

【香港原味道】黃庭鋒棄教職做演員不計較收入 曾想放棄讀碩士幸得家人鼓勵 【下一頁】

{{hket:inline-image name="55.jpg"}}{{/hket:inline-image}}

黃庭鋒做主持外，早前亦有參與新劇《把關者們》演出，他樂意接受更多挑戰。（圖片：黃庭鋒IG)

經歷了5輯，庭鋒最難忘一次是跟阿譚和幸美於凌晨三、四點去到菜市場，之後再入新界農場拍攝日出，「嗰時係冬天，做完菜市場訪問，我哋就要喺車等幾個鐘再入去新界拍日出，嗰晚好凍，凍到我喺菜巿場食咗一碗熱辣辣嘅公仔麵，嗰種感覺係世界上最好食嘅一碗麵，之後入到農場，我哋係要係生火，燒埋粟米，成班人一齊圍爐取暖，呢一幕我仲記得好清楚，好難忘。」

至於去到第4、5輯，庭鋒就要日曬雨淋下田耕種，又有另一番苦況：「我本身好惹蚊蟲，每次落田我都被啲好大嘅蟻咬到成隻手腫晒，噴蚊怕水都係冇用，但工作人員見到我就好放心，因為啲蚊蟲咬晒我，唔咬佢哋。」庭鋒稱拍《原味道》心情好兩極，因為相比拍其他節目是辛苦很多，但辛苦過程中又令他學會很多主持上技巧，可以話又愛又恨。

( ↓點擊圖片放大↓ )

撰文：衛紫敏

王祖藍李亞男賀細女出世100日 小情人成推動力：努力搵奶粉錢 【下一頁】