張栢芝9歲舉腳贊成父母離異 凍齡母自食其力揸Uber敬業樂業

現年40歲嘅張栢芝，與謝霆鋒誕下兩子，2018年秘誕第三胎「小王子」，單親媽媽一個湊三個，經濟壓力都咪話唔大。有傳過去照起全家使費嘅佢閂水喉停止接濟。而栢芝媽戴莎妮惟有自食其力，揸Uber搵食。

{{hket:inline-image name="b6ef084396b6de47559536dae6a6a32e.jpg"}}{{/hket:inline-image}}

張栢芝幾年前曾喺社交平台「呻窮」，栢芝媽戴莎妮疑似「馬死落地行」，曾接拍潘紹聰執導的三級鬼片《魕異》，又被揭曾於九龍城一間烘焙店打工做售貨員，其後再轉揸Uber搵食，有指栢芝媽網上評價優秀，敬業樂業，服務禮貌周到。但其實栢芝原來同媽媽感情都係咁好，日前係栢芝媽嘅生日，栢芝就係IG story post出同媽媽嘅合照，並留言：「每一年的這一個月特別愛你。」相中見栢芝媽化晒妝，又有染髮同電髮，打扮得花枝招展，果然有其母必有其女！

{{hket:inline-image name="596291daefd000d98160655e589b222f.jpg"}}{{/hket:inline-image}}

張栢芝一向都好重視家人，不過佢原生家庭關係複雜，中英混血兒媽媽Davies Shally帶着與前夫所生的大女，嫁給人稱江湖猛人的鬍鬚勇張仁勇，誕下張栢芝及兩位弟弟。栢芝喺好友劉美娟嘅著作《擁有失去》提及自己嘅童年生活。

栢芝自言年幼時家庭生活拮据，佢就擔當「管家婆」，父母外出工作，佢接送兩個弟弟及同母異父嘅姐姐返學、煮飯畀佢哋食，年紀小小已經好懂事。

栢芝媽媽曾話畀栢芝聽，當初曾因與丈夫爭執感到絕望而想墮胎，幸好最終堅持生栢芝。栢芝小時候頭髮已經好似公仔咁可愛。約2歲時母親有對夫婦朋友不育，想將栢芝帶去美國生活。雖然當時栢芝家經濟環境欠佳，但媽媽始終捨不得將佢賣走。

（↓點擊圖片放大↓）

栢芝9歲前，父母經常吵架，有天父母宣布離婚，姐姐同弟弟們都喊晒，栢芝反而拍手支持。栢芝喺書中憶述當時佢對父母說講：「你們天天吵架快樂嗎？即使你們分開了，你們仍是我的父母，我還是會這樣愛你們。」

本來栢芝媽媽想將女兒帶走，但爸爸唔同意，栢芝從床下的曲奇餅罐，拿出她儲蓄多年的幾萬元，以紙包住錢塞畀媽媽，寫字條叫媽媽好好生活，到有機會時先將佢帶走，栢芝媽媽將紙條收藏至今。