仍憧憬婚姻│梅小惠憶曾偉權全部都係美好回憶 「我相信上天會畀更好嘅人我」

梅小惠近日接受車淑梅電台節目《舊日的足跡》訪問，提到近日重播她有份拍攝的劇集《他來自江湖》，小惠感慨指情願不要重播，因為她不想失去好友達哥吳孟達，她說：「以前每朝早7點都會收到達哥早晨嘅微信，鬧鐘都未響，一年前左右大家都停咗，最後一次係舊去10月，之後就冇晒信息，唔知係咪因為佢身體唔舒服。」除了達哥之外，去年年底同樣痛失的是舊愛曾偉權。

梅小惠感激舊愛曾偉權當年保護 「忘記不好的事 否則折磨自己」【下一頁】

{{hket:inline-image name="xxx.jpg"}}{{/hket:inline-image}}

小惠和曾偉權1986年在亞視拍劇時邂逅，愛情長跑13年，被視為是娛樂圈中的金童玉女，最終因第三者介入而分手。提到兩人的緣份，小惠說：「我21歲見到筍嘢就飛身過去，佢又高大又靚仔，第一日已經想（同佢）結婚，佢冇求過婚，因為我哋已經喺埋一齊。我哋最後一次見係喺爸爸喪禮，我主動多謝佢……我冇乜嘢，我只會記得佢保護我，佢係好演員曾教導我，又會車出車入，我想食腸仔飽佢又周圍去搵畀我，呢啲就係美好嘅回憶！」小惠直言有機會的話仍然想結婚，她相信上天會給她更好的人，她說：「我而家已經係家庭主婦，我一個人住都要煮飯洗碗，不過係一 個未結婚、就快55歲嘅家庭主婦！哈哈！」

（↓點擊圖片放大↓）

《鬥氣一族》53歲梅小惠享受單身「湊孫」為樂 同阮兆祥Friend足30年聯名投資【下一頁】

提到曾志偉正式成為無綫高層，管理綜藝節目，網民投票選出十大最想見的回巢藝人，其中包括阮兆祥、金剛、謝天華、毛舜筠和梅小惠等。小惠第一個反應是：「係呀！我係第八位，叫我快啲出返嚟做，好似講到我出返嚟舞廳做咁！不過我都覺得電視台唔應該只有受尊重嘅藝人帶住年輕人，而冇咗40至60歲嘅中層，其實嗰啲人選大有人在，電視台都應該百花齊放。」被問到曾志偉有否聯絡她叫她回巢，她則指志偉是眾人老友及爸爸，「總之大家係好朋友，知道理念係乜嘢，有需要幫手嘅話，一定一呼百應。」她表示自己希望參與製作，讓有能力的藝人再次有所發揮，像曾華倩、朱慧珊、李司棋姐等等。「好似我家姐梅小青，60幾歲仲有人邀請佢歸隊工作，我希望做到咁樣！」

責任編輯：楊安莉