張繼聰「作死」送電單車當生日禮物 44歲謝安琪施逆生長魔法似廿頭

謝安琪（Kay）44歲生日同老公張繼聰撐枱腳慶祝，兩公婆齊齊放閃分享恩愛合照，相中嘅Kay真係後生都好驚人，白白滑滑嘅皮膚好似廿歲出頭一樣！

{{hket:inline-image name="159467077_2876264152652206_3368813538255684500_n.jpg"}}{{/hket:inline-image}}

一向玩命嘅張繼聰放閃之餘不忘再次挑戰老婆底線，留言：「Miss 313 , Happy Birthday 好老實 一位咁好嘅太太 佢真係好值得擁有一切 同埋多一部電單車 」其實今年情人節，阿聰已經送過一部中古電單車給Kay作情人節禮物，明知Kay冇電單車牌，收到阿聰呢份驚喜禮物真係唔知好嬲定好笑。

（↓點擊圖片放大↓）

Kay同阿聰嘅生活情趣為網民帶嚟不少歡樂，Kay生日當日嘅早上大爆老公「錫住」，唔畀佢着性感大露背出街：「今天剛收到一條美美的新裙子，喜歡得不得了，打算穿着去吃生日晚飯，他卻說『好像不太好』，我說『怎麼不太好』，他說『怕你會着涼』。」Kay話佢最後都有乖乖，冇着到呢條裙，希望老公滿意咁話。

網民除咗Like爆佢哋隔空耍花槍之外，都大讚Kay逆齡生長嘅童顏，誇張到似乎一年比一年後生，皮膚白滑緊緻，點都唔似44歲，最多似廿歲頭呀！