與張致恒結婚1年半│雯雯發千字文重申冇消失冇走佬 「爭人錢唔代表我係一個罪人」

36歲的張致恒（Steven）前年突然跟女粉絲雯雯奉子結婚，當時他已經有一位公開女友梁皓恩，事發後被踢爆一腳踏幾船，令他的形象再次插水，連原來Boyz重組再辦演唱會的計劃都告吹。Steven馬死落地行，幕前工作停滯，他繼續在酒店等不同地方打工養家。不過婚後火速又再添丁，一個人養起一家四口加上狗狗和雀，負擔一定好大！

張致恒霉到貼地被貼街招追債 村屋信箱塞爆電話停用疑「着草」【下一頁】

{{hket:inline-image name="148404795_409251690178691_5264286321470156239_n.jpg"}}{{/hket:inline-image}}

Steven出事時，有指拍檔關智斌、鄭希怡等都先後借錢給他；模特兒馮鎵瀠（Naomi）公開大爆Steven借錢唔還，仲繼續向圈中人借錢，包括張彥博、林盛斌等。Steven承認因為失業暫時無力還錢，向債主公開道歉兼承諾有拖無欠。不過，上月底Steven被發現原本位於元朗的居所人去樓空，被貼街招追數，估計他一家因欠債無力償還而「著草」。後來有傳媒拍到Steven一家搬到石崗豪華靚裝的新村屋居住，出入坐的士，生活不錯但繼續拖欠朋友債務遲遲不還。

事發後兩星期，Steven的太太雯雯終於打破沉默，將原本已經關閉的IG戶口再次重開，並留言寫千字文回應Naomi。她在文中承認向Naomi借2萬元應急，但由於經濟狀況不好，暫時未能償還，他們曾經為還錢而向財務公司借錢，暫時只能還一半，她亦向Naomi提出道歉。她說：「好想去澄清一樣野，我哋一家冇消失亦都冇走佬，當你去公開追我哋還錢嘅時候，我哋已經即刻想盡辦法去搵錢還畀你，最後我哋去到絕路已經去咗借財務，去還一半錢畀你先，好抱歉我哋冇能力一次過還清二萬蚊畀你，我哋亦已經承受緊我哋要承受嘅，俾財務貼街招甚至追上門。但係我而家喺呢度答應你我一定會用盡我嘅能力兩個月內還埋呢一萬蚊畀你。」

（↓點擊放大睇圖片↓）

因財失義│張致恒懺悔為表面「大花筒」解釋 周身街數無力償還向朋友們道歉【下一頁】

雯雯表示感謝借錢給他們一家的人，近日Steven已經有工作，將會繼續努力還錢給大家。她否認自己生活富貴，屋租跟以往的相若，愛犬是結婚前已經養，不會因經濟問題而棄養，小朋友的玩具都是親戚朋友所送，「我想講一個男人衰鹹濕衰貪玩，係咪就要判佢死刑？既然佢而家咁努力去生存，點解唔可以畀啲時間佢慢慢做番好佢照顧兩個小朋友？我自己係單親家庭，無論幾辛苦我都唔希望我嘅小朋友要行番我條路，大家可唔可以高抬貴手，畀我兩個小朋友可以有一個爸爸，我哋一家四口可以生存落去。我亦相信爭人錢唔代表我係一個罪人，希望大家可以畀空間我哋，去對幫助過我哋嘅人負一個責任。」

（↓點擊放大睇圖片↓）

責任編輯：楊安莉