Master's Talk丨張振朗黑仔王險死於台慶綵排 朱敏瀚不甘做《都市閒情》大王開導

譚俊彥（Shaun）、張振朗和朱敏瀚（Brian）接受《Master's Talk師父有請》訪問，以「命中貴人」為主題，Shaun表示在事業上遇到不少的貴人，大部分都是女性，如初初找他拍《男人四十》的許鞍華、沒工開找她再拍戲的張艾嘉、邀請她入無綫的樂易玲等。而Brian直言視身旁的張振朗為貴人，年初舉行的頒獎禮上大部分的人都有多謝振朗，「有一段時間經濟唔係咁好，我話想考定個健身教練牌，點知振朗鬧我！佢話做演員最緊要信念，要集中做好自己做梗嘅事！」

{{hket:inline-image name="_DSC4157.JPG"}}{{/hket:inline-image}}

麥玲玲說貴人雖好，但總會遇到拍檔遇上低潮時，她當時見到振朗都驚呼狂叫，「呢個人咁黑仔！」《堅離地愛堅離地》等劇集遭抽起而延播，有沒有感到被連累？振朗表示：「從來冇覺得係連累，唔開心就梗係有啦！大佬，點會冇唔開心先得㗎？」

Shaun說振朗，「就連綵排都會有支燈跌落嚟，撞中佢囉！」振朗憶述發生意外當刻是為台慶綵排，有一大段讀白，當時頭上有「威也」吊起部攝影機，「我講講吓嘢突然聽到『小心』呢兩個字！當時我乜嘢都唔知，(機器) 一下子就跌落膊頭位置，之後送咗入醫院……其實都唔知好彩定唔好彩，如果唔係冇啦啦企右一步，就可能跌正塊面！」提到劇集連環被抽起，他憶述當時有兩年沒有出劇，《牛下女高音》、《堅離地愛堅離地》和《機場特警》先後延播，後來半年一次過播出，Brian則笑言：「我同佢拍完《機場特警》，佢都叫我小心啲，叫我幫幫忙唔好有咩新聞……哈哈！」

{{hket:inline-image name="92822604_355182392110025_7423385129558463401_n_600.jpg"}}{{/hket:inline-image}}

提到三人的兄弟情，Shaun指振朗完全不會照顧自己，「隔夜飯盒」翌日朝早再食，導致嚴重腸胃炎，連主持人Bob都笑「點解你咁低能？」振朗解釋以因事隔幾小時，問題不大，幸好Shaun如爸爸一樣照顧他，當時拍攝非常辛苦，最難忘是煞科的一日，Shaun說：「我記得《包青天再起風雲》包大人有場戲同展昭講：『你唔好睇低自己，有一日你會變得好勁！』我真係做出嚟，而家佢咪就係好勁囉！」原來他們在懸崖邊居高臨下小解。同時振朗表示知道對方為自己客串《拳王》的一場戲而節食減磅，忍不住眼濕濕，兩兄弟之友誼盡在不言中。

{{hket:inline-image name="a88cda3d2d762b5b9b6668071ceb7172.jpg"}}{{/hket:inline-image}}

對於入行初期不被看好，Shaun表示曾經遇過有對手做戲時不會望住自己，他說：「因為對手只在乎自己其中一邊靚仔樣，我話不如你休息吓啦，我對住塊木板做戲好過啦！自己亦試過喊戲喊唔出，畀人睇死話我生活太好幸福，未捱過就梗係喊唔出……咁我咪返去對住塊鏡去練習囉！」直言雖然明知入TVB可能只有「男二」的機會，都決定放手一博，不介意由低做起，每一齣戲都當作是一次試驗。

振朗非常佩服Shaun珍惜每次演出機會的態度，付出百二分的努力，見證他親身上陣騎馬從山頂衝落懸崖，後來《拳王》的擂台戲，原本是由替身對打 ; Shaun自薦上陣跟真實的泰拳拳王對打，對方非常硬淨，打完之後全場演員為他歡呼。Shaun說：「我本身連playback都冇睇，見大家拍晒手我都放心，之後對手送條褲畀我，話代表尊重我呢個對手，我真係忍唔住爆喊！因為辛苦咁耐就係為呢場戲！」

(點擊圖片放大)

而Brian則直言性格怕醜，曾經被前輩指「好寸」，當早期公司安排他到《都市閒情》時，一度心有不甘，他說：「我都好大膽，直接同監製講話場自己只係想拍劇，我有劇就會走。監製對我好好，有劇就為我度期，兩年後真係放我走。當時大王安德尊都感覺到我唔係好想做，佢叫我努力做，點都會拎到啲嘢走……《都市閒情》係我加入TVB之後第一個家庭，每一個人都好好，冇任何競爭，我頒獎禮上得獎都有多謝《都市閒情》上上下下，第日大王傳千字文短訊畀我，話多謝我冇忘記《都市閒情》！」他表示自己在《都市閒情》學會了很多，「一係唔好接，接咗嘅工作就要儘力去做好佢。」

{{hket:inline-image name="brianchu0523_18096048_118448048710172_3341054247809581056_n_1024.jpg"}}{{/hket:inline-image}}

Shaun認為最滿意的作品永遠都是下一部，不欲回想以往，問到目標是否「視帝」？「當然好，不過我想挑戰一下幕後工作，因為我意識到張振朗上位太快，我好快就要演佢老竇！我一向鍾意做幕後，因為主導權會多啲，我畀自己五至十年時間，希望可以做到導演或者背後創作嘅工作。」而振朗直言「視帝」是目標，目前最希望跟不同的演員合作擦出火花，「合作過嘅唔想再合作住，觀眾都睇都悶啦！我想跳出安全區，不斷嘗試先會有新火花出現！」