唔回應Brian Cha係咪大伯│李施嬅指未婚夫Anson在水底求婚 現時半同居「造人」順其自然

李施嬅上月突然宣布訂婚，為大家帶來驚喜，上星期施嬅被拍到跟未婚夫食飯見面，令未婚夫Anson Cha的身分終於曝光。Anson Cha是專業的健身教練，周潤發、郭富城、楊千嬅等都是他的學生，而他個性非常低調，所以跟施嬅拍拖4年以來都一直保持到「地下情」沒有被揭發，認真厲害！

上月自爆訂婚│李施嬅未婚夫身分終於曝光 星級健身教練Anson 學生粒粒巨星【下一頁】

{{hket:inline-image name="2108256d-ede3-4589-94ce-bd728b2db44c.jpg"}}{{/hket:inline-image}}

施嬅今日出席公開活動，喜事重重的她寧舍紅粉緋緋，穿上紅色碎花上衣及紅色短裙，明艷照人。施嬅表示剛剛隔離完畢出關幾日，問到婚禮準備進度如何？施嬅表示：「而家未搞住，因為媽咪喺加拿大，一定安全可以飛行，我先會搞婚禮，亦要就好多人喺唔同地方返嚟。我都想喺香港搞，不過真係要視乎疫情，希望今年啦，唔得就下年。（考慮先註冊後擺酒？）其實註唔註冊、行唔行禮都唔重要，其實大家都認定咗對方係終生伴侶，儀式只係為朋友同屋企人搞。」

施嬅透露原來Anson知她喜歡海洋，所以於美國潛水時在水底向她求婚，她說：「其實求婚求咗已經一段時間，佢好有心思，雖然冇花，但有好多鯊魚陪住，仲幫我戴上戒指，我最鍾意係海，所以佢係好男仔嚟呀！我一直都想宣布，不過始終佢係圈外人好怕醜，我驚嚇親佢，之前被人影到，大家知道佢係邊個之後，佢走入茶餐廳，大家都上前恭喜佢，搞到佢好驚，我笑佢而家紅過我。」施嬅表示現時他仍有點緊張，希望他慢慢適應和習慣，問到是否如報道所講的「星級健身教練」？她說：「佢係好叻嘅教練，好多藝人都係佢學生，不過佢工作上嘅事我唔講太多，畀啲空間佢，我心目中，佢絕對係香港最叻嘅教練。（教健身撻著？）我唔係佢學生，佢同學生一定撻唔著，因為佢講嘢好Ｍean（刻薄），間中會指點吓我，但如果佢教，我哋一定會鬧交。」

（↓點擊放大睇圖片↓）

隔離期完急報喜│40歲李施嬅曬巨型鑽戒Say Yes 網友追問未婚夫到底係邊位？【下一頁】

施嬅稱兩人是透過圈外朋友介紹認識，對於這位未婚夫，施嬅讚不絕口，她說：「佢好簡單、細心，好錫我，有上進心同勤力，冇阻止我繼續演藝工作。佢鍾意好叻嘅人，唔鍾意懶人，所以我呢一世都要好勤力。（勤力造人？）呢方面順其自然啦，我都鍾意小朋友，但唔會刻意去做啲咩咁，玩住陳山聰同胡杏兒啲BB先啦！」施嬅稱兩人拍拖四年，現時兩人屬半同居狀態，圈中知道的人不多過十個。對於有指Brian Cha正是Anson的哥哥，施嬅說：「有傳過，但我唔回應，因為佢屋企同工作都想留番空間畀佢，唔好搞到其他人，我同佢之間嘅嘢可以講，其他就唔回應。（擔心健身群組爆發疫情？）佢好安全，日日自己做檢測，好值得信任、好有責任感。」

採訪：Pauline
責任編輯：楊安莉