育兒之道│2歲女搭港鐵扭計亂跑遭拍片 港媽盡力氹無效：要公審我都無計

子女在公眾地方扭計，實在令家長相當頭痛。近日一位港媽發文訴苦，指日前2歲女兒坐港鐵時，不斷周圍亂跑及扭計，丈夫更發現有其他乘客拍片，疑似想放上網「公審」。她稱當時已儘力安撫女兒，卻未能成功，無奈表示：「佢要拍片公審我唔識教小朋友我都無計......」

該名港媽周日（14日）在facebook群組「巴打絲打『13親子育兒』Facebook Club」發帖，指當日與丈夫帶同2歲女兒乘坐港鐵，雖然只乘一個站，車程不長，但女兒甫上車便周圍亂跑，她見狀已立即制止，但女兒一直扭計發脾氣，直至落車才回復平靜。事主坦言，當時已儘力安撫女兒，務求令她安靜，惟女兒依然故我。

被丈夫催促「快啲搞掂」

丈夫後來發現車廂內有其他乘客疑在拍片，擔心會被人放上網公審，竟出言催促她：

「快啲搞掂佢啦，好似有人拍緊片！」

她聞言感到相當無奈，指當時並無理會是否有旁人拍片，只埋首於安撫女兒，自言已出盡辨法，只是徒勞無功，

「我都已經氹緊佢，真係無辦法......佢要拍片公審我唔識教小朋友我都無計......我唔係想我小朋友咁嘈騷擾到人......我真係有儘量氹佢但失敗......」

女兒活潑好動缺耐性

事主透露，女兒性格活潑好動，平日坐小巴時都會乖乖安靜坐好，惟每次坐港鐵時表現特別興奮，她嘗試種種方法安撫都無效，令她束手無策，

「搭親MTR係超開心周圍跑，但次次我都唔會畀佢咁做......有時佢睇片會好定，但睇得耐又想周圍走......我有時會抱住佢同佢講吓車車有咩......又會同佢玩吓但都唔得......佢一坐得耐就無耐性......」

丈夫說話惹怒網民

帖文引起不少家長共鳴，指子女在公共交通工具扭計實在令人尷尬，希望乘客可以體諒；亦有網民批評事主丈夫當時未有體諒妻子，反而出言催促，表現不負責任：

網民獻計教子女搭車坐定

不少過來人都理解事主的難處，紛紛留言獻計令子女搭車乖乖坐好的方法：

丈夫打仔港媽勸阻被毆，兒子有樣學樣打外傭：爸爸都係咁，詳情即睇：【下一頁】