整蠱男友系列︳何超蓮孖男友竇驍挑戰「放手跪」圈中夫婦潮玩 男士必倒有原因...

近排在網上熱爆名為「放手跪」嘅玩意，有趣嘅原因係「女生做到，98%男生做不到的動作」，令不少圈中藝人都湊熱鬧挑戰一下！已故賭王何鴻燊的三房千金何超蓮拉孖埋男友竇驍玩埋一份。

只見抖音片段中兩人以全黑裝扮，竇驍跟著超蓮跪在餐枱前面，雙肘著地，之後超蓮「1......2、3！」雙手好輕鬆就放到身後，竇驍以為好簡單，點知當他雙手未及放到身後，整個人已經向前仆，下巴應聲著地！超蓮見到男友失手後，激動得手拍地喪笑......竇驍點可以在女友面前失威？決定再試一次，他雙手放身後，努力保持平衡，閉住氣咬實牙關，令身體不會向前傾，表情搞笑，最後總算挑戰成功！

{{hket:inline-image name="34.jpg"}}{{/hket:inline-image}}

何超蓮搵埋男友竇驍挑戰「放手跪」。(何超蓮抖音截圖）

{{hket:inline-image name="22.jpg"}}{{/hket:inline-image}}

竇驍雙手放身後，失去平衡，下巴鋤咗落地！(何超蓮抖音截圖）

{{hket:inline-image name="35.jpg"}}{{/hket:inline-image}}

見到男友挑戰失敗，何超蓮笑到興奮拍打地面，竇驍個樣就好尷尬。(何超蓮抖音截圖）

虎父無犬子︳何超欣麻省理工畢業再北上深造 賭王子女中最高學歷係邊個？【下一頁】

之前孫慧雪和老公Edwin、麥雅緻和老公張頴康、區永權和太太，以及江美儀和教練朋友，亦先後接受「放手跪」挑戰，亦如預期所料「男人全軍覆沒」通通下巴著地變「趴地熊」。而該遊戲更變相成了老婆、女友「最佳整蠱另一半系列」，片段中見麥雅緻見到丈夫失手下巴著地，笑到翻天 ; 張頴康唔介意眾人前失威，「唔緊要啦，我見老婆笑得咁開心就乜嘢都無所謂喇！」區永權就話︰「呢個世界除咗生仔之外，原來仲有嘢只有女人先可以做到！」

（↓點擊放大睇圖片 整蠱老公系列↓）

「放手跪」點解成為男人弱點？早前無綫節目《東張西望》就以呢個「男士必倒之謎」，請教香港中文大學彭金滿博士，拆解疑團。彭博士表示：「可以通過力學去解釋，因為當放開手時，上身嘅重量同埋膝蓋嘅支點，形成一個順時針嘅力矩，令身體向前翻倒 ; 但如果你收起手之前，將身體重心向後，臀部重量就會做咗一個逆時針嘅力矩，咁兩者就可以平衡到，唔會跌落嚟。點解大部分女生做到？因為成年女生嘅臀部都一般比男性大，所以逆時針嘅力矩就會大啲，會容易平衡得到。」

（↓點擊放大睇圖片 男人必倒之謎↓）

撰文︰衛紫敏

《皆大歡喜》re-u│廖碧兒被翻與劉愷威20年前舊情 驚爆當年無家可歸跟男方返屋企 【下一頁】