囝囝滿月｜原子鏸餵母乳瞓得唔好感覺幸福 「神隊友」輪更湊B畀老婆休息

資深演員鄭佩佩之女、1999年港姐亞軍原子鏸（Marsha）上月誕下混血兒囝囝（Matys），囝囝的樣子似足其摩洛哥籍丈夫Mehdi El Ajimi。今個月是囝囝的滿月，日前Marsha一家三口帶同愛犬去影全家福，Matys人仔細細但已經懂得向鏡頭放電，超級可愛，就連媽媽Marsha都抵擋不了囝囝的魅力，她說：「雖然瞓得唔係幾好，但每一次望到佢，我就覺得一切都好值得，因為佢真係好得意。」

99年港姐亞軍│原子鏸產檢變早產誕下5磅愛兒 曬全家福囝囝似足摩洛哥爸爸【下一頁】

{{hket:inline-image name="14.png"}}{{/hket:inline-image}}

Marsha坦言對這次的拍攝成果感到滿意，拍攝期間見到Marsha經常流露出幸福的笑容，就知道囝囝Matys的存在為其叉足電。初為人母一個月，Marsha自言不覺辛苦，並透露現時正餵哺母乳：「對我嚟講係一份好美麗嘅回憶，因為可以同BB更加親密，呢種感覺真係難以言喻，只有做人媽媽，先會有呢份體驗；不過BB而家成日肚餓，所以都有啲難湊。」幸好Marsha的丈夫主動提出輪更照顧囝囝，讓Marsha能有適時的休息，令她大為感動，「佢幫咗我好多，大概每晚九點到凌晨兩點就會輪更，幫手餵奶、換片、抱住BB𠱁佢瞓覺，佢真係一個好好嘅爸爸。」

（↓點擊放大睇圖片↓）

受疫情影響，Marsha的媽媽鄭佩佩暫時未能從美國回港探望孫仔，但兩人經常會進行視像通話，鄭佩佩更會透過鏡頭隔空「抱孫」、為女兒打氣。不過鄭佩佩似乎沒有傳授育兒秘笈予女兒，Marsha笑言：「媽咪冇乜教我，因為佢已經唔記得晒！不過佢話我哋細個成日趴喺度瞓，依家好多人都話呢個睡姿比較危險，所以我都係等BB起身，tummy time（俯臥時間）先畀佢趴一陣，訓練頸部嘅肌肉協調。」

而Marsha尚未決定今年會否為囝囝在港搞百日宴，因現時疫情嚴峻，她只希望疫情能早日結束，然後一家人能到丈夫家鄉摩洛哥為囝囝慶祝：「呢個係佢哋嘅習俗，新生BB第一次返摩洛哥，會舉行一個盛大嘅慶祝活動，類似香港嘅百日宴。」

（↓點擊放大睇圖片↓）

【高齡產婦】原子鏸42歲宣布喜佗第一胎 失望鄭佩佩未能見證重要時刻【下一頁】