V 面羅天宇唔認「削骨還父」

羅天宇與弟弟胡㻗昨日參與《五月•情天音樂會》演出，羅天宇笑言入行13年，第一次兩兄弟同台表演。提到他們練歌的情形，羅天宇說︰「我哋一個沖涼嗰陣，另一個就會喺門外一齊合唱。」胡㻗亦笑說︰「我哋感情未好到一齊沖涼。」

提到羅天宇被網民質疑「削骨還父」，整容變V煞面，他笑笑口否認說︰「我有睇，話我V煞面吖嘛，我睇返以前啲相，都覺得圓得好過分，可能拍《愛•回家》嗰陣太幸福，塊面真係好圓。」他強調自己外貌純天然，只是為了拍劇減磅操肌才會瘦下來。胡㻗亦代哥哥澄清︰「阿哥努力減肥減咗兩、三個月，日日都只係食烚肉同菜，瘦係正常嘅。」

採訪︰Pauline

攝影︰林良明