演「蘇樺偉媽媽」跑埋一份 吳君如︰希望打動觀眾

吳君如監製及主演的電影《媽媽的神奇小子》，是根據殘奧徑賽金牌得主蘇樺偉真人真事改編，電影公司昨日發放預告片，君如與舞台劇演員梁仲恆飾演兩母子，首度合作的二人以細膩的親情感動觀眾。

《媽媽的神奇小子》由尹志文執導，其他演員包括錢小豪飾演蘇樺偉爸爸、舞台劇演員梁仲恆飾演成年版蘇樺偉，以及張繼聰飾演傷殘田徑隊教練等。故事講述蘇樺偉剛出生便因黃疸病導致腦部受損，注定一生是個弱聽與四肢痙攣的殘疾人士。飾演蘇樺偉母親的君如在危急關頭堅持搶救偉仔，決定即使兒子到八十歲還是不能走路，她都會背起兒子走下去。在蘇媽媽堅持下，偉仔逐漸長大，在媽媽訓練下學會走路，更發掘跑步天賦。

梁仲恆演出入形入格

君如與首次拍電影的舞台劇演員梁仲恆擦出不少火花，身為監製兼演員，君如每天游走在兩個身份之間，希望拍出有真情實感的母子情。君如說︰「近幾年人人都講『贏在起跑綫』，我反而想講一個『輸在起跑綫』嘅故事。一條起跑綫八個選手，總有人一開始落後，點樣追上去唔係仲精采咩？」

君如在戲中有大量陪兒子跑步的戲份，相當不簡單，她說：「但我好幸運，呢部戲有唔少演員係第一次拍電影，但都有相當出色嘅表現；加上非常有拼搏精神的製作團隊，令我身為呢部戲嘅『神奇媽媽』好欣慰，深信呢個『神奇小子』唔止感動我，亦能夠打動每一位觀眾。」此外，梁仲恆扮成年版蘇樺偉入形入格，由說話到跑步動作都似到十足，他在戲中的金句「輸喺起跑綫唔緊要，最緊要知道終點喺邊」非常勵志。

撰文︰倪小珊

美術︰梁政敏