【聲明】港生活網站並無進行電話推廣活動

不捨《流行經典50年》完結 薛家燕:見好就收係好事

發佈時間: 2021/03/18

薛家燕主持的《流行經典50年》已播映近四年,無綫決定下月結束節目,將以改革版《勁歌金曲》頂上。家燕姐前晚錄影《流行經典50年》,坦言不捨得節目完結,但亦可趁機休息等抱孫。

自曾志偉出任無綫高層後,立即着手整頓音樂節目,並決定叮走《流行經典50年》,改以《勁歌金曲》對撼ViuTV招牌音樂節目《Chill Club》。薛家燕前晚聯同鄭俊弘、譚嘉儀等錄影《流行經典50年》,提到節目下月初正式結束,家燕姐坦言依依不捨:「見好就收係好事嚟嘅,我呢三、四年真係做到無停手,集集都要唱歌、跳舞,我都好攰。加上我就快做嫲嫲,都可以趁機好好休息去準備。」

家燕姐表示節目歷年來邀請的嘉賓多達200位:「好多謝咁多集以嚟嘅嘉賓,緊接有《勁歌金曲》,畀新一代嘅歌手上節目唱歌都係好嘅。」她希望安排節目台前幕後食飯,又說:「最後一集會加碼到一個半小時,我哋會邀請好多嘉賓。

呻無錢搬屋

家住中西區的家燕姐,日前遇上政府突襲圍封她居住的大廈強檢,前晚正式出關的她笑說:「我唔擔心自己,我食好多產品增強免疫力,只係擔心新抱,依家通知咗話無事,成個人都安樂晒。」不過她搞笑稱自己接受強檢一事被廣泛報道,令人人都知道她的住址:「連英國都有我強檢嘅報道!我最頭痛係依家個個都知我住邊,有朋友問我會唔會搬屋,我邊有錢搬呀,我有三個仔女,要搬幾個單位㗎嘛!」

同場的鄭俊弘主持《流行經典》兩年,他亦十分不捨節目:「節目帶畀大家好多歡樂,有好多難忘嘅回憶,我最初做主持嗰陣都係靠死背稿。」早前已約滿星夢的他,表示下月將開拍新劇,屆時希望拍劇、唱歌兩兼顧;至於簽約新唱片公司亦已有定案,稍後便會公布。

採訪︰Pauline

攝影︰林良明

美術:梁政敏

不捨《流行經典50年》完結 薛家燕:見好就收係好事

(左起)主持曹永廉、譚嘉儀、薛家燕及鄭俊弘合作多時,依依不捨。

不捨《流行經典50年》完結 薛家燕:見好就收係好事

ViuTV《Chill Club》愈做愈有口碑,更將在下月舉行首個頒獎禮。(資料圖片)