提舊情即食「誠實豆沙包」 廖碧兒承認上劉愷威屋企

廖碧兒（Bernice）日前現身網上節目《今晚有牌打》，與古裝版《皆大歡喜》舊拍檔林文龍、鄧兆尊及苑瓊丹開枱打麻將。四人相隔近20年後聚舊，當年「深田公主」Bernice與文龍演一對，但現實中她曾與飾演其近身太監的劉愷威拍拖。四人一邊打牌一邊話當年，文龍及苑仔乘機向Bernice夾攻，狂問她與劉愷威的舊情。Bernice面對兩人窮追猛打即口窒窒，只說：「我唔記得啦，都無一齊過…唔係個個都咁講㗎咩？」

後來苑仔及文龍咬住唔放，取笑Bernice上劉愷威屋企，誰知招架不來的Bernice承認道：「係！咁皇上（劉丹）都喺度！」但提到當年分手原因，不願透露的Bernice即語無倫次遊花園。另外，Bernice談到現時的感情狀況，單身的她直言有人追。