拍拖六年暗示分手？│李佳芯認少見陳炳銓降呢為朋友 「搵緊令大家舒服啲嘅方式相處」

李佳芯（Ali）與男友陳炳銓拍拖多年，一直被形容為「美女與野獸」，不過兩人一於少理，繼續打得火熱拍足六年拖，並在西貢共賦同居。不過近日，Ali被揭發已搬離愛巢，起初揚言只是為方便返工拍劇，但完成劇集拍攝後，Ali都沒有回西貢繼續同居生活，因而傳出感情亮起紅燈的傳聞。今日Ali、河國榮、鄭俊弘、何雁詩等出席ｍyTVGold節目《狗狗診療所》的記者會，親自回應跟男友的關係。

李佳芯死守「疫區」拒返西貢愛巢 各自各精彩陳炳銓暗示6年情斷?【下一頁】

{{hket:inline-image name="160488971_443974186938527_7588748603193890581_n.jpg"}}{{/hket:inline-image}}

{{hket:inline-image name="162079469_801014640512066_1045440695184553585_n.jpg"}}{{/hket:inline-image}}

Ali被問及與男友一齊養的愛犬豆豉時，竟突然撇清關係：「嗰隻係佢嘅狗，（佢嘅唔係你嘅？）晶片係寫佢名，當初係佢話鍾意所以養，（佢負責照顧？）平時日常生活係佢負責比較多，當然我都有放狗……以前。」Ali用「以前」來形容跟狗狗的相處，雖然她清楚知道唐狗是3至4歲，而且體重非常重磅，不過就承認近排比較少「放狗」，對於近來傳聞多多，問到現時跟陳炳銓的關係到底仍是戀人嗎？Ali表示：「關係處理緊，搵緊一個令大家舒服啲嘅方式相處，所以處理緊……（有冇分手？）一路感情好低調，一直都係朋友囉，所以搵大家舒服啲嘅方式，（降格成朋友？）我不嬲都係講係朋友。（算唔算係感情關口？）每段關係去到……」Ali未答完，身旁的河國榮打算救駕，笑言要找個像河國榮般英俊的男友就可以。

Ali遊花園稱近日忙於準備四月的兩個慈善展覽，分別會展出她的陶瓷和書法作品，問到是否可以抒發到感情的關口？她說：「都係抒發嘅一種，(過唔過到呢關？)唔可以叫過關，只可以講你同身邊嘅人只希望搵個舒服方法去相處或者成長，我唔稱之為一個關，但真係要啲時間去處理。（幾耐冇見？）呢排少咗見，關係一向都係咁，唔係冷戰，絕對唔係。」

（↓點擊放大睇圖片↓）

【點相III】陳炳銓掌紋被批婚後易有外遇 李佳芯鍾情才華唔貪樣力撐男友【下一頁】

Ali表示自己兩隻愛貓相繼離世之後，暫時都沒有再養貓，看看將來若遇到有緣份的貓狗，不排除再養。她大讚今次跟河國榮在節目中認識，對方在照顧寵物上的心得非常厲害，令她學習不少。河國榮直認今次是難得跟動物有關的節目，所以事隔13年再重返無綫，他感慨說：「近3年我有10隻狗相繼離開，多數都係因為病，而家只剩一隻，真係搞到我抑鬱呀！我當佢哋係仔女一樣，見住佢哋一個一個走，而且佢哋離世時病得好辛苦，好心痛。過往我都堅持盡可能喺佢哋生存最後一分鐘，都要陪住佢哋。」

{{hket:inline-image name="160608127_1320731891642664_7691459504062533510_n.jpg"}}{{/hket:inline-image}}

責任編輯：楊安莉