張寶兒雙眼皮超深邃惹整容疑雲 與岑麗香「撞眼」參選港姐時兩個樣

袁偉豪年頭出席《萬千星輝頒獎典禮2020》外形被喪踩，指佢結婚之後，成個人都急速「劣化」，更有人直指佢係「醜男」！網民指佢嘅身形脹爆，化咗妝望落仲係好殘，總之就一面倒負評……袁偉豪事後喺社交平台撰寫長文反擊，指「每一個人也會變老」，之後幾乎每次接受訪問都會提起呢件事，非常耿耿於懷；不過佢話會將批評化為動力，而事實早前佢都「順應民意」極速收身，回復弗爆體態。

{{hket:inline-image name="132312609_2521561421470175_3857623277256397971_n.jpg"}}{{/hket:inline-image}}

無獨有偶，今日袁偉豪嘅老婆張寶兒都成為討論區上網民嘅熱門話題，有網民post寶兒參選港姐時嘅舊相，以及佢早前自拍教化妝嘅新相，驚嘆兩張相中嘅相差奇大，話係兩個唔同嘅人都有人信呀！有個網民留言：「嘩……張寶兒整咗容？之前選美個樣算清純，而家成個蛇精……」

（↓點擊圖片放大 睇張寶兒變化↓）

唔少網民見到兩個時期嘅對比照，大表贊同，有人更專家上身指寶兒嘅雙眼皮似做手術割出嚟，「雙眼皮位都幾高吓，好唔自然。」同時有人指出佢做埋「開眼頭」，「好少人割到咁高 佢都好重手。仲有眼中間應該都開咗，眼距都唔同！」甚至同岑麗香「撞眼」！因為二人雙眼皮都相當深邃，而且雙眼非常大，真係同以前內雙眼皮嘅寶兒判若兩人！

{{hket:inline-image name="ALTOkXm.png"}}{{/hket:inline-image}}

話分兩頭，都有人撐寶兒嘅新雙眼皮係靠化妝整出嚟，又cap圖寶兒之前上《姊妹淘》示範化妝嘅片段，教人點用雙眼皮膠水改善眼形。