承認少見面 李佳芯將陳炳銓降呢做朋友

李佳芯（Ali）與男友陳炳銓拍拖多年，一直被形容為「美女與野獸」，但近日二人多次傳出「分訊」。Ali昨日與河國榮出席新節目《狗狗診療所》記者會，承認正在處理與陳炳銓的關係，又強調大家只是朋友，看來戀情危危乎。

李佳芯與陳炳銓近日被傳感情亮紅燈，有指Ali已搬離二人的愛巢。Ali昨日出席記者會，提到她與陳炳銓一同飼養的愛犬豆豉，她即撇清關係︰「嗰隻係佢（陳炳銓）嘅狗，晶片係寫佢名，當初係佢話鍾意所以養，日常生活係佢負責照顧狗狗多啲，當然以前我都有放狗。」問到跟陳炳銓的關係，Ali大方表示︰「關係處理緊，搵緊一個令大家舒服啲嘅方式相處。（是否分手？）一路感情好低調，一直都係朋友。（降呢成朋友？）我不嬲都係講係朋友。」

Ali刻意扯開話題，自爆近日忙於準備下月兩個慈善展覽，分別展出她的陶瓷和書法作品。是否抒發到感情關口？她說︰「都係抒發嘅一種。（過唔過到呢關？）唔可以叫過關，只可以講同身邊嘅人希望搵個舒服方法去相處，真係要啲時間去處理。（幾耐無見？）呢排少咗見，關係一向都係咁，但絕對唔係冷戰。」

鄭俊弘唔肯為何雁詩紋身

同場的鄭俊弘與老婆何雁詩帶同八歲愛犬Riley現身，何雁詩說︰「我希望將來懷孕，可以再養一隻小狗，陪伴BB一齊成長，不過我哋仲未搵，起碼都係幾年後嘅事。」另外，何雁詩最近多了新紋身，她笑言是為了媽咪而紋；而鄭俊弘坦言怕痛，不敢為老婆紋愛的紋身：「我連打針都痛到喊，除非有無痛紋身先考慮，愛的紋身心照就夠。」

採訪︰Pauline

攝影︰林良明

美術：梁政敏