怕女兒唔認得媽咪 譚凱琪想訂造人形公仔放屋企

劇集《失憶24小時》明晚播映兩小時大結局，昨日一眾演員譚俊彥、王君馨、姜大衞、江欣燕、譚凱琪（Zoie）等出席最後一次宣傳活動。已開拍另一新劇的Zoie表示，每日出門開工都很掛念五個月大的女兒，笑言怕她唔認得媽咪，考慮訂造一個人形公仔給女兒日夜相對。

譚凱琪（Zoie）去年10月為丈夫莊日宇誕下女兒Gabri，轉眼B女已五個月大，Zoie至今仍堅持每日給女兒餵哺母乳，重新投入工作會否比較辛苦？她表示︰「依家我會揼定啲奶放喺雪櫃，如果拍外景，我會帶定個冰袋，因為放喺冰袋可以保存10個鐘，（之前你講過可能要老公去外景場地帶母乳返屋企？）哈哈，暫時仲未需要老公出場。」

Zoie又表示常常掛住BB，每日出門口之前都會多望幾眼，因為最近開拍新劇，很多時拍到凌晨才回家，她說︰「之前每朝起床我都會同囡囡講good morning，但係最近因為開工關係，見面少咗，佢好似對我有啲陌生，反而對婆婆就成日露出燦爛笑容，我有少少傷心，希望之後套劇快啲拍完，可以多啲時間對住個女，她呢個時候開始認人，或者考慮整個人形公仔畀佢見我多啲。」

學轉身要睇緊

Zoie又透露女兒目前學轉身，因此都要睇得比較緊。她又表示囡囡仍未戒夜奶，因此放工回家還可以抱她，她笑言︰「我依家開始擔心，如果佢戒咗夜奶嘅話，我會有少少失望。」

採訪 ︰ Pauline

攝影 ︰ 林良明

美術：梁政敏