黃夏蕙自稱「純天然」得一樣嘢係假 朋友「斷纜」上頭柱香相繼離世

人稱夏蕙姨嘅黃夏蕙係影壇大前輩，雖然已經息影多年，不過一直討論度都好高，由佢嘅外貌去到佢嘅一舉一動都成為大家茶餘飯後嘅話題。日前就有一個佢早前做落嘅訪問出街，主持人單刀直入，問咗夏蕙姨唔少敏感話題。

{{hket:inline-image name="1.JPG"}}{{/hket:inline-image}}

主持人同夏蕙姨邊食邊傾，一嚟就問夏蕙姨關於整容嘅問題，「你係咪因為太眷戀自己當年嘅美貌，所以不斷整容呢？」夏蕙姨從容回應：「唔關事喎！我當年同而家都一樣樣，不過就老咗好多喇真心話！我當時十幾歲，而家都差唔多八十，我乜嘢都冇整，啲頭髮就整咗，因為我好懶梳頭，變咗我鍾意戴假髮，因為對我便利啲。」夏蕙姨已經冇從事演藝工作，但依然好忙，「因為我係（做）好多義工，我哋有班藝人係慈善之星，我哋逢義工都去做，從無怨言。醫院、老人院、學校……」除咗出力，仲會出錢，認真唔話得！

{{hket:inline-image name="160003780_5279947992047748_3259805304393360576_o.jpg"}}{{/hket:inline-image}}

近年不時有一啲名人嘅喪禮都會見到夏蕙姨嘅身影，主持人又提到佢畀人封做「殯儀之星」，指佢好鍾意出風頭「攝位」，夏蕙姨覺得好無奈說：「呢啲真係好委屈，我一把年紀，所識朋友好多，有錢冇錢都有，見到啲大過我嘅都去咗喇，同我同輩嗰啲有啲都走咗……我都好傷心好淒涼。我做朋友、親戚一定會去，好傷心，睇見佢哋一個一個咁離開……呢啲可能大家誤會咗我啦！」她同時指自己做足禮數，包括付出時間、金錢，不論紅事定白事，全因出於尊重。

夏蕙姨接受訪問時，祥嫂（洪金梅）仍然在世，夏蕙姨指自己同祥嫂係「細路哥朋友」，「由佢識祥哥（新馬師曾）、拍拖我就識佢，祥嫂係一個賢妻良母，佢對家庭、對祥哥對自己兒女都好好。」她重提到祥嫂一家並唔係「爭家產」，只係一個家庭裡面會有好多誤會，「冇撐佢（祥嫂）爭家產，以為自己係anutie，樣樣都平息到。」

(點擊圖片 放大睇)

夏蕙姨仲有一樣為人印象深刻嘅事，就係佢每年都會打扮一番去黃大仙上頭柱香，她自認非常迷信，原來佢深信不移大仙嘅力量都有段故。話說當年夏蕙姨起初係同一班朋友去上頭柱香，不過朋友們斷纜冇上頭柱香後竟相斷死亡，令夏蕙姨「好信邪」，「首先係關佩英因為家事同老公嗌交推咗（去上頭柱香），嗰年就去咗。第二個就鄧碧雲，佢本身入咗醫院，本身預備出嚟，但唔知乜嘢原因出唔到院，又過咗身。第三個呢就係鳳凰女，佢喺美國，返唔到嚟香港上頭柱香，之後都過咗身。咁我就覺得好恐怖好驚！因為我係第四個女仔嚟，所以我從來冇間斷過（上頭柱香）。」真係信不信由你。

司徒關佩英1975年3月20日倒臥於寓所內的浴室，多次拍門也沒有回應，被發現時昏迷不醒，最終死亡，終年49歲。鄧碧雲1991年3月25日因肺衰竭在香港病逝，享壽64歲。鳳凰女1992年12月1日，於美國三藩市家中突感呼吸困難，隨後猝死，享年67歲。