老師辛酸｜埋怨僅1/3學生面授連累要湊仔 港媽：老師應該出1/3人工！

新冠肺炎疫情持續，教育局規定學校全校教職員如定期通過檢測，可全面恢復半天面授課堂，否則每日回校學生不多於全校人數三分一、限半日面授。有港媽近日埋怨現時子女學校無法全面復課，每日僅三分一學生回校，連累她要撥更多時間照顧子女，形容變相「做埋老師嗰份」，質疑老師應只出三分一人工，惟帖文惹起其他家長不滿，指出老師背後工作其實有增無減，隨時工時更長，認為家長與老師應互相體諒。

一位港媽近日在討論區「親子王國」發文埋怨，指現時每日只有三分一學生回校，故老師應該只出三分一人工。儘管有網民指出，即使學生以Zoom上網課，老師背後都做好多凖備，「都要改功課丶試卷丶備課丶都要返學校，何以見得他們少咗工作？」

該名港媽依然認為此與她無關，形容：

「佢少唔少工作點解要我理？我只會理我個仔點解返日放日，咁不如我做埋佢嗰份收佢份人工好唔好？點解而家啲人咁鍾意推卸責任？」

她聲言從未抹殺老師的努力，但她認為：「只係想佢地畀我個仔返學啫，就算佢地工作24小時又點，我個仔都係冇學返喎。」

該港媽又揚言，老師「收人工做嘢」是天經地義，

「但而家佢冇減人工但可以做少咗嘢，剩係唔使管理課室秩序，唔使帶隊放學，唔使帶課外活動，呢啲係咪做少咗嘢呢？而家已經只係上上午課，咁係咪上少咗課堂時數？咁係咪做少咗嘢呢？」

她又埋怨部分老師不願定期接受檢查，連累學校無法全面復課，變相令家長受罪。

（↓點擊圖片放大↓）

家長：老師返學時間其實長咗

港媽帖文惹起網民齊聲聲討，紛紛留言道出老師難處，有家長指在疫下上網課，部分老師變相工時更長，

「我唔同意，因為我女的學校返學時間係：
早上8:00-11:20初中返學、高中屋企zoom，
下午1:00-5:00初中屋企zoom、高中返學校
根本照這個返學時間，全校教職員都比之前未有疫症時返學的時間長咗。」

老師︰ 聽到被指白𢭃人工好難過

疫情下師生都面對新挑戰，一位中學老師日前也發文吐苦水，指經常聽到家長埋怨老師「上網課好得閒」、「唔使改功課」、「白𢭃人工」等指控，認為對於真心為學生付出的老師而言，此等言論令人痛心難過，並逐一回應各項指控中，老師背後的辛酸，詳情即睇【下一頁】