【聲明】港生活網站並無進行電話推廣活動

幫賴慰玲湊仔嗌辛苦 蔡思貝未Ready做媽咪

發佈時間: 2021/03/22

蔡思貝與單文柔昨日為無綫兒童節目《Thing Big天地》任嘉賓,思貝自認與小朋友有緣,在德國讀書時曾做嬰兒保母三年。早前思貝更幫好姊妹賴慰玲湊仔,不過她坦言湊仔相當辛苦,自己仍未準備好做人母。

蔡思貝昨日甚受現場小朋友歡迎,照顧小朋友經驗豐富的她,原來是賴慰玲兒子的契媽,思貝日前更客串做了半日「湊仔婆」:「我朝早八點揸車入去同契仔食早餐、做功課,點知係辛苦嘅開始。因為小朋友唔會坐定定,我用咗一個半鐘,先教到佢寫九個英文字。」她笑言要跟足賴慰玲定下的時間表:「同契仔食完午餐,換埋校服返學,今次係我第一次同契仔單獨相處,成件事好夢幻、好感動。」不過思貝坦言未準備好做媽咪:「因為事業仲喺衝刺期,如果我做咗媽咪,我一定親手湊仔,我根本分身不暇,遲啲先再算。」

思貝早前有機會跟王祖藍合演新劇,但因祖藍忙於無綫首席創意官職務而決定辭演,問思貝可會繼續演出?她說:「等公司安排,覺得好可惜,諗住跟祖藍學嘢,應該要等下次先可以同咁勁嘅前輩合作。」

單文柔視陳展鵬如「大仔」

同場的單文柔提到女兒「小豬比」已經兩歲,問她會否再追第二胎?她搞笑地拉老公陳展鵬落水:「我依家已經有一個『大仔(陳展鵬)』同一個女,再生多個可能遲啲先!」近日單文柔跟友人合作做網上小生意,問她是否轉型做KOL?她說:「我都係分享下湊女經驗。(讓小豬比出鏡?)個女唔太驚陌生人,不過要同老公商量,睇下會唔會對個女有幫助。」

採訪︰Pauline

美術:梁政敏

幫賴慰玲湊仔嗌辛苦 蔡思貝未Ready做媽咪

蔡思貝早前與賴慰玲及契仔Marat一起去露營。(資料圖片)

幫賴慰玲湊仔嗌辛苦 蔡思貝未Ready做媽咪

單文柔目前做任何事都以女兒行先。