陳凱琳龍鳳胎細佬Derek娶老婆 大姑奶超開心 弟婦早已融入家中

港姐冠軍陳凱琳（Grace）跟龍鳳胎弟弟Derek一向感情很好，事關大家同齡孖住成長。近年Derek大方走到幕前，同家姐一齊拍廣告、拍短片等等，更在她的敦促之下開設IG戶口，跟網友互動，followers都有1萬人。姊弟感情要好，令網友都大感羨慕。

昨日有傳媒影到Derek低調在紅棉道婚姻登記處結婚，Grace與父母、大家姐兩公婆都有出席，而Grace帶埋老公鄭嘉穎一齊見證。榮升大姑奶的Grace沒有帶同兩個仔Rafael、Yannick，滿場飛跟親友合照的她同Derek都非常低調，未有在社交平台分享當日的照片。

湊孫比湊仔還緊張│陳凱琳媽咪Connie自認P牌婆婆 「孫仔講嘢似唱歌甜到漏」【下一頁】

{{hket:inline-image name="17596500_1739551366374850_8864785268851343360_n.jpg"}}{{/hket:inline-image}}

Grace接受《晴報》電話訪問，對於榮升大姑奶，她表示：「細佬結婚我當然好開心，大家都知我哋感情好好。佢同佢老婆仔拍拖已經有一段時間，我都好鍾意呢個女仔，我覺得佢哋好夾，大家互相補足，喺埋一齊係件好美好嘅事。祝福佢哋，希望佢哋結婚後喺一家人呢種新環境新角色下，更能夠互相體諒，相處開心！（為Rafael同Yannick添表弟妹？）生小朋友唔急啦，佢兩個都好細個，順其自然啦！如果佢哋想生小朋友，就嚟我屋企湊吓仔（實習）先。」Grace和大家姐已經結婚成家，如今弟弟都娶埋老婆，相信父母可以放下心頭大石。

(點擊圖片 放大睇)

幸福放閃︳鄭嘉穎現身幼兒園為囝囝Rafael慶生 陳凱琳心聲：唔捨得你大得咁快【下一頁】

雖然Derek平日低調沒有上載拍拖的照片放閃，而太太Wing的IG亦是私人戶口。Grace這位大姑奶真係唔話得，其IG相簿中不時見到弟婦的蹤影，對方早已融入家中，打成一片！

(點擊圖片 放大睇)

責任編輯：楊安莉