親如家人｜同住10多年外傭回鄉嫁人 港男不捨流男兒淚：一早當佢係親人

不少人形容遇到好外傭如同「中六合彩」，僱主與外傭或會因文化差異及生活習慣產生磨擦；但其實關係是雙向的，互相尊重、理解十分重要。一名港男日前在網上發帖，指在家中工作了十多年的外傭告知他即將回鄉嫁人，令他感到十分不捨，更忍不住落下男兒淚，「其實一早已經當咗佢係親人。」

該名港男上周一（15日）在網上討論區「連登」以「一齊住咗十幾年嘅工人姐姐要返鄉下嫁人」為題發帖，指現年30多歲的外傭姐姐「喊晒口」，向他表示自己「要嫁人喇」，

「我側頭笑住講，好戥佢開心，但個心好似飛咗出身體咁。」

事主表示，在這十多年來，外傭姐姐是在家中與他相處最多的人，十分照顧及關心他，「同我傾偈、照顧我，喺我溫書做嘢嘅時候拎湯畀我飲……分咗手嘅時候又安慰我。」他指出，自己視外傭姐姐為「介乎喺家姐同長輩之間嘅關係」，

「其實一早已經當咗佢係親人。」

由於外傭姐姐亦十分不捨事主一家，因而吩咐事主替她向其他家人告知嫁人消息，

「佢喊晒口話，佢一半嘅心分咗喺我哋屋企，所以先講唔出口，叫我幫佢同其他屋企人講……（我）而家喊完今晚先可以笑住同人講呢個好消息。」

事主續指，外傭姐姐將會嫁給讀書時期的暗戀對象，「個男人結完又離咗婚，之後同我工人撻著咗，平時都係video call（視訊）傾偈。」他坦言害怕男方為「空心老官」欺騙姐姐錢財，「其實我都好驚，但只能提佢要keep（保留）私己錢。」雖然自己不捨姐姐，但他希望男方會對外傭姐姐好，讓姐姐不用再到異鄉工作，

「我寧願個男人對佢好好哋，永遠唔使返嚟......諗住畀幾皮（萬）佢當嫁妝，風光啲咁嫁人。」

此事引來網民熱議，不少人被事主一家與外傭姐姐之間的感情而感動，並希望姐姐可以嫁到好老公；同時，亦有不少網民感同身受，分享過往經歷：

（↓點擊圖片放大↓） 

每朝索取《晴報》：精明生活．健康家庭．開心娛樂

責任編輯：李凱晴