【聲明】港生活網站並無進行電話推廣活動

偕鄭嘉穎疫情下賀孖生細佬結婚 陳凱琳拒催生B︰湊下我兩個仔實習

發佈時間: 2021/03/23

29歲的陳凱琳(Grace)已是人妻兼靚媽,其孖生弟弟Derek前日與拍拖多年的女友Wing低調註冊結婚,Grace與老公鄭嘉穎到場賀一對新人。昨午Grace接受《晴報》訪問時表示非常喜歡弟婦,並稱︰「如果佢哋想生小朋友,就嚟我屋企湊下仔(實習)先。」這位姑奶認真開通。

Grace與龍鳳胎細佬Derek一向感情甚佳,二人一起成長,雙雙擁有得天獨厚、勁似混血兒的靚樣,Derek曾跟家姐走到幕前,姊弟檔拍廣告及短片等。Derek亦在Grace敦促下開設了IG帳戶與網友互動,雖然他身為圈外人,現時已有逾一萬追隨者,非常犀利。

新郎哥Po相分享喜悅

前日,有傳媒拍到Derek原來已低調在金鐘紅棉路婚姻登記處註冊結婚,Derek的父母、Grace與老公鄭嘉穎、Grace的大家姐兩公婆也有出席婚禮。不過,鄭嘉穎與Grace卻沒有帶同兒子Rafael(鄭承悅)及Yannick(鄭承亮)同行,未知是否不想兩位公子搶鏡。陳爸爸當日受訪時,強調不會給乖仔造人壓力,又透露已送金器給愛兒及媳婦。至於新郎哥Derek全程表現低調,直至昨午才po相分享與太太的甜蜜婚照。

Grace讚弟婦好女仔

昨日,陳凱琳接受本報電話訪問,提到榮升姑奶,她表示︰「細佬結婚我當然好開心,大家都知我哋感情好好。佢同佢老婆仔拍拖已經有一段時間,我都好鍾意呢個女仔,我覺得佢哋好夾,大家互相補足,喺埋一齊係一件好美好嘅事。祝福佢哋,希望佢哋結婚後喺一家人呢種新環境、新角色下,更能夠互相體諒,相處開心!(催一對新人為Rafael、Yannick添表弟妹?)生小朋友唔急喇,Derek佢哋好細個,順其自然!如果佢哋想生小朋友,就嚟我屋企湊下仔(實習)先。」Grace與大家姐早已出嫁,如今Derek亦成家立室,相信陳爸爸、陳媽媽最高興。

撰文︰Steven

美術︰梁政敏

偕鄭嘉穎疫情下賀孖生細佬結婚 陳凱琳拒催生B︰湊下我兩個仔實習

Grace與老公鄭嘉穎見證Derek完成人生大事,嘉穎更笑到見牙唔見眼。(受訪者提供)

偕鄭嘉穎疫情下賀孖生細佬結婚 陳凱琳拒催生B︰湊下我兩個仔實習

Derek與Wing郎才女貌,未知是否已出力展開造人大計。(受訪者提供)

偕鄭嘉穎疫情下賀孖生細佬結婚 陳凱琳拒催生B︰湊下我兩個仔實習

陳凱琳一向照顧細佬,相信已傳授不少夫妻相處之道。(資料圖片)

偕鄭嘉穎疫情下賀孖生細佬結婚 陳凱琳拒催生B︰湊下我兩個仔實習

Derek擁有黝黑皮膚兼健碩身形,經常上載男神照派福利。(資料圖片)