《最後一屆口罩小姐》︳ERROR肥仔193淘汰仙氣女嘆走寶 阿Dee出1000蚊明搶心頭好

ViuTV另類選美真人騷《最後一屆口罩小姐選舉》昨晚首播，ERROR在節目中擔任評判，賽前4子被派落區揀女參賽，肥仔(梁業)和193(郭嘉駿)在中環區「搜獵」，遇上合眼緣的口罩女，即游說對方參賽，肥仔口口聲聲說：「唔係睇外表嘅！」但講完開場白後即問人家：「可唔可以睇下你IG？」跟本就是想睇「真面目」，最搞笑是193檢視完女仔的IG相片，見到是「真靚女」即時向女方「抄牌」，要求互相關注IG。

肥仔和193笑笑口話：「唔係溝女，係做正經嘢。」而另一邊阿Dee(何啟華)和保錡就去到旺角天橋搜獵，見到一個外型不錯的女仔，立即說服對方除罩睇「真樣」，除罩方知道是「箍牙女」，引證戴罩和不戴罩真的騙到人。

{{hket:inline-image name="01.jpg"}}{{/hket:inline-image}}

ERROR主持另類選美《最後一屆口罩小姐選舉》，騎呢鬥騎呢一定有睇頭。（圖片：電視截圖）

{{hket:inline-image name="06.jpg"}}{{/hket:inline-image}}

肥仔和193去到中環街頭獵女。（圖片：電視截圖）

ViuTV《最後一屆口罩小姐》│40強美女出爐戴口罩靠絕招取勝 藝人董嘉儀方泳琳出戰VS網紅 【下一頁】

(點擊圖片放大 街頭獵艷過程)

昨晚首集40名口罩佳麗各出奇招，由ERROR成員各自選出5名心水佳麗進入20強。過程中，不被選中者要即時除下口罩見真樣方可離場。大會為怕觀眾觀看佳麗們騷Quali的過程太沉悶，刻意「刪剪」、「分類」及「精選」過才出街，當中剪輯了一個「表演系列」類，不少佳麗都找肥仔來互動，當中穿籃球衫的036佳麗，就和肥仔打「隱形籃球」，還對著肥仔說：「你咁樣唔啱，因為你唔好淨喺望住我個Ball...」呢招成功令193選了她入圍。

另外033佳麗是一位女中醫，同樣找來肥仔互動，即場替肥仔拔罐，又大賣口乖讚ERROR是最接地氣的天團，怎料193不大受落：「我哋係宇宙天團，你完全搞錯嘞，貼地嘅係MIRROR唔係我哋，你讚錯咗。」最後女醫師被Out，但原來這位是肥仔和193在中環街頭獵艷時的其中一個，肥仔當時曾實牙實齒地說：「我哋一定揀你！」點知肥仔「你呃人」，而女醫師臨走時除罩，原來都幾靚女，肥仔今次走寶了。

(點擊圖片放大 入圍40強口罩佳麗)

肥仔和193走寶豈止一次，其中075佳麗一頭長髮加上高瘦外型，更是鋼琴演奏級，但竟然冇人吼，當075除開口罩時，大家才知道是「仙氣女神」，2人即時表現「崩潰」，大嗌：「可唔可以揀番佢！」並大怪幕後不給提示：「又靚女又係素人呀！」阿Dee即講風涼話：「提咗你啦！叫你揀！」最抵死是075離開後，肥仔和193的心情仍未平伏，竟追出錄影廠見075「最後一面」，笑爆全場。

(點擊圖片放大走寶類)

不要以為戴上口罩就不會被人認出，前𡃁模藝人尹蓁晞（Yumi）亦是候選佳麗之一。她一出場即被保錡認出來：「我有睇過你寫真！」Yumi顯得尷尬：「哦...係咩？」而193問她有冇收睇ViuTV的劇集時，Yumi堅稱有睇，但卻將《男排女將》講成《女排男將》；被問到除了姜濤和ERROR之外，哪位ViuTV藝人最具代表性時，Yumi說：「好難答！」193亦好不客氣地批評Yumi不夠專業:「如果我報一間學校，都要知邊間學校少少底細啦，而我報呢間電視台嘅時候，完全唔知間電視台發生咩事嘅話，就好似有啲奇怪嘞！」最後Yumi都要除口罩冇得留低被Out。

(點擊圖片放心儀系列)

阿Dee則睇中086佳麗，可惜被好兄弟193搶閘成功，阿Dee心有不甘 ，在休息時間嬲到要踢凳來洩忿，最後惟有利誘193，衝入後台拿銀包，打算用1000蚊換回086，可惜193擺明要整蠱阿Dee最終不願放人。而保錡就對070佳麗亦情有獨中，070一出場未做任何表演，保錡已經搶閘衝出去和070握手：「你已經成功加入咗我嗰隊。」連070都嚇得回一句:「咁快？」

之前已有網民認出070就是網紅「米媽」米露迪 ，難怪保錡識貨的說：「40個入面最鍾意係你。」嘩...保錡現在不是「守行為」其間嗎？講呢啲？會不會又惹起網民圍插呢？

(點擊圖片放大)

撰文：衛紫敏

馬國明曬清朝額頽樣食酸菜魚 網民集氣：守住馬明最後防線 【下一頁】