廖啟智確診胃癌感恩遇上好醫生 陳敏兒讚老公樂觀:令人佩服

現年66歲嘅資深演員廖啟智去年患上胃癌，現全面停工，入院接受治療。由於智叔希望低調處理病情，所以入院後，並沒有通知朋友。他的病情曾趨嚴重，而在太太陳敏兒悉心照顧下，最近情況漸見好轉，圈中朋友亦得知消息。今日下午，陳敏兒獨兒到醫院探望老公。

{{hket:inline-image name="161780726_3797329173696898_8722795262209436097_o.jpg"}}{{/hket:inline-image}}

由於疫情關係，醫院謝絕探病，所以陳敏兒今午獨自到醫院探望老公智叔，她在進入私家病房前，主動向在門外守候的傳媒交代智叔病情，表示：「疫情下工作唔多，智叔一直都有跑步，佢體能同健康一直好好，直到上年12月中，佢開始覺得食嘢個胃脹住，所以就去檢查，之後就確診胃癌！」

陳敏兒感恩遇上了好醫生，「我哋遇到好好嘅醫生，佢同智叔好夾，佢哋每日都喺病房互相打氣，醫生叫佢加油，仲好悉心照顧佢，醫生仲讚佢係A+級嘅好病人！醫生叫做乜，佢都全力配合，譬如佢個胃唔舒服，所以食唔到嘢，不過醫生話唔食唔得，而家打緊仗要多營養，所以佢一日三餐都好努力完成飲食。」

陳敏兒又讚老公樂觀抗病令她非常佩服，「有一日智叔話『今日有鮑魚雞粥食喎』，我一睇，原來佢嗰碗係白粥，佢覺得白粥都好好味。見佢好輕鬆，我她佩服。陳敏兒表示希望大家給多點空間予智叔休養，「我想講佢呢2日狀態比較攰，好多人打電話訪問佢，令佢分咗心照顧朋友嘅慰問；智叔收到大家關心，但太多關心對佢同家屬嚟講都係負擔，如果大家錫智叔，遙送祝福同愛畀佢就得喇！」

（點擊放大睇圖片）

陳敏兒又話佢同智叔都唔會接電話，「醫生都唔贊成，會影響養病，希望大家合作，多謝各位手足，我要入去（病房）嘞！佢掛住我，需要我支持，（用乜嘢治療方法？）醫生有好多方法，（智叔樂觀？）佢好積極。」

當年智叔幼子患上血癌病逝，太太陳敏兒一度患上抑鬱症，智叔也因為太思念兒子而一蹶不振，狀態很差，發哥一直鼓勵智叔，並邀請他一起行山做運動，精神逐漸回復，從此便愛上跑山做運動。